Մոնակոյի արքայազնին ծեծել են ռուս մոդելների համար

Նյու Յորքի «Double Seven» գիշերային ակումբում ծեծի ենթարկված Մոնակոյի արքայական տան անդամ Պյեռ Կազիրագին դուրս է եկել հիվանդանոցից և արդեն իրեն լավ է զգում։

Պարզվել է, մանհեթենյան հայտնի հաստատության սեղանիկներից մեկի շուրջ հավաքված՝ իրենց հանգիստն են վայելել այդ ակումբի նախկին սեփականատեր, գործարար Ադամ Հոկը, իր ընկերն ու ռուս երեք մոդելներ՝ Նատաշա Պոլին, Վալենտինա Զալյաևան և Անյա Ռուբիկը։ Մոնակոյի արքայազնը եղել է իր ընկերոջ՝ ֆրանսիական «Vogue» ամսագրի նախկին խմբագիրներից մեկի որդու՝ Վլադիմիր Ռոյթֆելդի հետ և Փերիս Հիլթոնի նախկին զուգընկեր, գործարար Ստավրոս Նիահոս 3-րդի ու մոդել Ջեսիկա Հարթի հետ։ Պյեռը մոտեցել է Հոկայի սեղանիկին և կոպտորեն սկսել սիրահետել աղջիկներին, այնուհետև վերցրել սեղանին դրված օղու շիշը և խմել շշից։ Ադամ Հոկը, չհանդուժելով երիտասարդի պահվածքը, վեր է կացել տեղից և այնպես հարվածել, որ արքայազնը ընկել է հարևան սեղանիկի վրա, որն էլ ջարդվել է։ Հոկին հարձակում գործելու մեղադրանք է առաջադրվել։

Նշենք, որ Պյեռ Կազերագին Մոնակոյի իշխան Ալբեր 2-րդի զարմիկն է, որի հայրը՝ Ստեֆան Կազերագին, մահացել է 1990-ին։ Եթե իշխող Ալբեր 2-րդը արու զավակ չունենա, իսկ Պյեռի մայրն ու ավագ եղբայրը մահանան, նոր միայն նա կարող է հավակնել Մոնակոյի գահին։