Նկարիչների միության խնդիրներն ու նպատակները նույնն են մնացել. պետությունն աջակցություն չի ցուցաբերում. Կարեն Աղամյան

Մոտ 10 տարվա ընթացքում Նկարիչների միության խնդիրներն ու նպատակները մնացել են նույնը. պետությունը հիմանավոր աջակցություն չի ցուցաբերում միությանը: Այս մասին հայտնեց Հայաստանի նկարիչների միության նախագահ Կարեն Աղամյանը' այսօր կայացած ասուլիսի ժամանակ:

Նրա խոսքով' Հայաստանում սահմանափակ են հատկապես անհատ նկարիչ ստեղծագործողների հնարավորությունները: Վերջիններիս համար դժվար է սեփական ստեղծագործությունը ճանաչելի դարձնել հայրենիքում:

Նա նաև նշեց, որ Հայաստանում ամրագրաված չէ «Ստեղծագործական միությունների մասին» օրենքը։ Կարեն Աղամյանի փաստմամբ' այս առիթով ՀՀ Կառավարության կողմից արդեն 10 տարի հնչել են խոստումներ, սակայն մինչ օրս չեն իրագործվել:

Խոսելով այսօր Նկարիչների միության գործունեության մասին, Կարեն Աղամյանն ընդգծեց, որ այն հիմնականում ուղղված է ցուցահանդեսներ կազմակերպելուն։

«Տարվա կտրվածքով միությունը կազմակերպում է 50-ից ավել ցուցահանդես: Միության մասին' որպես հասարակական կազմակերպության, հասարակությունն իրազեկված չէ»,-նշեց Կարեն Աղամյանը' հիշեցնելով, որ այսօր ժամը 15.00-ին Նկարիչների միությունում տեղի կունենա Համլետ Ասատրյանի անհատական ցուցահանդեսը: