Ճապոնիան հրաժարվում է իրանական նավթից

Ճապոնիան մինչև փետրվարի վերջ մտադիր է 20%–ով նվազեցնել իրանական նավթի ներմուծումը։ Իրանական նավթի ներմուծումը նվազեցնելու հարցը Տոկիոն ակտիվորեն քննարկում է Վաշիգնտոնի հետ։ Բանակցություններն արդեն մտել են ավարտական փուլ, հաղորդում է Вести.ru-ն։

Ճապոնիայի կառավարությունը այս որոշման դիմաց ակնկալում է, որ ԱՄՆ–ն ճապոնական նավթային ընկերությունների նկատմամբ այնպիսի լրացուցիչ պատժամիջոցներ չի կիրառի, ինչպիսին որ դեկտեմբերին կիրառեց Իրանի նկատմամբ։

Պատժամիջոցներն արգելում են ամերիկյան դոլարով գործարքներ կատարել այն օտարերկրյա ընկերություններին, որոնք Իրանի կենտրոնական բանկում հաշիվներ ունեն։ Ավելի վաղ Ճապոնիան մի քանի անգամ իր մտահոգությունն էր հայտնել Եվրոպական միության անդամ երկրների կողմից Իրանի նկատմամբ կիրառվող պատժամիջոցների շրջանակում իրանական նավթի էմբարգո հայարարելու վերաբերյալ։ Տոկիոն մտավախություն ունի, որ նման միջոցառումները կարող են նավթի համաշխարհային գների բարձրացման պատճառ դառնալ։ 

Բացի այդ, Ճապոնիան հայտարարել է, որ դժվար կլինի նվազեցնել իրանական նավթի ներմուծման ծավալները, որն այժմ կազմում է Ճապոնայի նավթային ծախսի 8,8%–ը։ Սակայն ավելի ուշ Ճապոնիայի իշխանություններն իրենց պատրաստակամությունն էին հայտնել իրանական նավթի ներմուծման ծավալները կրճատելու վերաբերյալ։ 

порта иранской нефти.