««Նիմֆոմանուհի» ֆիլմում էրոտիկ տեսարանները զբաղեցնում են առավելագույնը 5 րոպե»

Արտակ Ալեքսանյանն իր ֆեյսբուքյան էջում գրել է.

«Հենց նոր նայեցի Լարս Ֆոն Տրիերի “Նիմֆոմանուհին”: Պետք է անկեղծ խոստովանեմ, այն գովազդային գործակալությունը, որը արել է այս ֆիլմի PR արշավը, ուղղակի արժանի մրցանակի: Ասեմ ինչու

1. Նախ, ֆիլմում էրոտիկ տեսարանները 1 ժամ 40 րոպեից երևի զբաղեցնում են առավելագույնը 5 րոպե, լավ քարը պայթի տրաքի 10: Ընդ որում, այս 10 րոպեները միասին վերցրած, ոչ մի արտառոց բան ցույց չեն տալիս, ավելին դրանք նույնիսկ զգացական չեն, դրանք էրոտիկ չեն, գեղեցիկ չեն նկարահանված: Սովորական: Հաստատ արդեն մի քանի հարյուր ֆիլմում տեսել եք արդեն:

2. Ֆիլմի հիմնական անունները՝ այսինքն Շառլոտ Գեյնզբուրգը, Ստելան Սկարսգաարդը, որ հայտնվում են Տրիերի բոլոր ֆիլմերում, ամբողջ ֆիլմի ընթացքում ընդամենը մեկ տեսարանում են: Մեկ սենյակում: Միասին զրուցում են:

3. Ամերիկացիների Քրիստիան Սլեյտերն ու Շիա Լա Բուֆը երկրորդական դերերում են, բայց գլխավոր հերոսուհու կյանքի գլխավոր տղամարդիկ են՝ հոր ու կյանքի սիրո:

4. Ֆիլմն այնուամենայնիվ ցույց չի տալիս, թե ով է նիմֆոմանուհին: Ըստ ֆիլմի հերոսուհու՝ դա սեքսուալ վարքագիծ է՝ ֆիզիկական պաթոլոգիայով թելադրված, բայց նաև որոշակի գիտակից ընտրությամբ ու զգացմունքային ֆոնով:

5. Միայն մի տեղ հերոսուհին պատմում է, որ կյանքի ինչ որ փուլում ամեն օր սեքս է արել 10 տղամարդու հետ, բայց թե ինչպես է իրեն զգացել 10-րդից հետո, ինչու հենց տասը ու սենց լիքը հարցեր՝ ֆիլմը չի բացահայտում:

6. Ամբողջ ֆիլմը կառուցված է մեկ սկզբունքի վրա՝ հերոսուհին ամեն ինչ փորձում է, բացի սիրուց: Բայց ֆիլմը հենց ավարտվում է նրա հիասթափությամբ՝ երբ սիրով է զբաղվում ու հայտնաբերում, որ ոչինչ չի զգում:

7. Ֆիլմի մոնտաժից ուղղակի ակնհայտ է, որ պրոդյուսերները ամեն ինչ արել են փրկելու ֆիլմը՝ մտցրել են հեռուստատեսային և գովազդային վիզուալ կուլտուրայի տարրեր՝ լուսագրեր, բազմակի էկրաններ, կիսավավերագրականություն:

8. Սա Ֆոն Տրիերի չհաջողված, բայց լավ գովազդված ֆիլմերից է: Ֆոն Տրիերը ուղղակի դադարել է զարմացնելուց. Ֆիլմը ոչ շոկ է առաջացնում, ոչ մտածելու տեղիք է տալիս, ոչ գրգռում է ու ոչ էլ հուզում: Կամ ինչպես իմ բարեկամ Զոհրաբ Հարոյանն էր իր Թվիտերում նկատել “ոչ նորմալ կինո էր, ոչ էլ նորմալ պոռնո”: Չեք հավատում? Ինքներդ նայեք»: