«Սև ստվերն անհետացավ»,– Աշխարհի հզորները Քադաֆիի մահվան մասին

Աշխարհի հզորները Քադաֆիի մահվան մասին

• ԱՄՆ նախագահ Բարաք Օբամա. «Սա նշանակալից օր է Լիբիայի պատմության մեջ։ Սև ստվերն անհետացավ և... լիբիացիների վրա հանդուրժող և ժողովրդավար Լիբիա կառուցելու մեծ պատասխանատվություն է դրված»։
• Ֆրանսիայի նախագահ Նիկոլա Սարկոզի. «Քադաֆիի վերացումը մեծ քայլ է այն պայքարում, որ լիբիական ժողովուրկը մղում էր ութ ամիսների ընթացքում՝ ձգտելով ազատվել ավելի քան 40 տարի պարտադրված բռնության ու բռնապետության ռեժիմից»։
• Իտալիայի վարչապետ Սիլվիո Բեռլուսկոնի. «Sic transit gloria mundi (այսպես է անցնում երկրային փառքը (լատ.)։ Արդեն պատերազմը կավարտվի»։
• Մեծ Բրիտանիայի վարչապետ Դեյվիդ Քեմերոն. «Այսօր այն օրն է, երբ մենք պետք է հիշենք գնդապետ Քադաֆիի բոլոր զոհերին... Վերջին նորությունները վկայում են, որ Լիբիան հզոր ու ժողովրդավար ապագա կառուցելու լավ շանս է ստացել»։
• Գերմանիայի կանցլեր Անգելա Մերկել. «Վերջապես բացվեց նոր խաղաղ քաղաքականություն սկսելու ճանապարհը։ Գերմանիան շատ ուրախ է և թեթևածած շունչ է քաշում»։
• ՆԱՏՕ–ի գլխավոր քարտուղար Սնդերս Ֆոգ Ռասմուսեն. «42 տարի անց գնդապետ Քադաֆիի՝ վախի վրա հիմնված ռեժիմը փլուզվեց։ Վերջապես Լիբիան կարող է շրջել իր պատմության այս մռայլ էջը»։
• ԵՄ նախագահ Հերման վան Ռոմպեյ. «Մուամար Քադաֆիի մահը ավարտն է ռեպրսիաների և դեսպոտիզմի, որից Լիբիական ժողովուրդը շատ երկար է տառապել»։
• Իրաքի վարչապետ Նուրի ալ–Մալիքի. «Մենք շնորհավորում ենք մեր լիբիացի եղբայրներին... Բռնակալների նման ճակատագիրը Իրաքում, Լիբիայում և էլի ինչ որ տեղ ապացուցում է, որ ժողովրդի ոգին կարող է հաղթել բռնակալներին, կարևոր չէ, թե որքան երկար են նրանք իշխում»։
• Նիդերլանդների վարչապետ Մարկ Ռյուտե. «Մենք կնախընտրեինք, որ նա իր հանցագործությունների համար պատասխան տար Հաագայում»։
• Վենեսուելայի նախագահ Ուգո Չավես. «Նրանք սպանեցին նրան։ Եվս մեկ չարագործություն։ Մենք մեր ողջ կյանքում կհիշենք Քադաֆիին իբրև մեծ ռազմիկի, հեղափոխականի ու տղամարդու»։
• ՌԴ նախագահ Վլադիմիր Պուտին. «Նրա դիակը ցույց տվեցին բոլոր համաշխարհային հեռուստաալիքներով։ Առանց զզվանքի նայել անհնար էր։ Սա ի՞նչ է։ Ցույց են տալիս, թե ինչպես են արյան մեջ կորած, վիրավոր, դեռ կենդանի մարդուն սպանում... Դա առանձին թեմա է. այնտեղ քաղաքացիական պատերազմ է։ Բայց դա ցուցադրվում է էկրաններին, և հազարավոր մարդիկ, այդ թվում՝ երեխաներ, նայում են։ Եվ սա արդեն անիմացիա չի, սա գեղարվեստական հնարանք չի, այլ պատկեր իրական կյանքից»։