Քոֆի Անանը նշանակվել է Սիրիայի հարցով ՄԱԿ-ի և ԱՊԼ–ի հատուկ բանագնաց

ՄԱԿ-ի նախկին Գլխավոր քարտուղար Քոֆի Անանը նշանակվել է Սիրիայի հարցով Միավորված ազգերի կազմակերպության և Արաբական պետությունների լիգայի հատուկ բանագնաց։

Անանի օգնականը նշանակվելու է արաբական երկրներից մեկի ներկայացուցիչ։ 

ՄԱԿ-ի և ԱՊԼ–ի հատուկ բանագնացի առաքելությունը լինելու է Սիրիայում բռնությունների, մարդու իրավունքների խախտումների և սիրիական ճգնաժամի խաղաղ կարգավորումը, հաղորդում է Росбалт–ը։

Քոֆի Անանը մասնավորապես խորհրդակցություններ է անցկացնելու խնդրի խաղաղ կարգավորման բոլոր շահագրգիռ կողմերի՝ Սիրիայի իշխանությունների և ընդդիմության ղեկավարների հետ, ինչպես նաև խաղաղ բնակչության հետ՝ համապարփակ քաղաքական երկխոսության միջոցով երկրում ժողովրդավարական կարգեր հաստատելու համար։

Սիրիայի նախագահ Բաշար Ասադի ռեժիմի դեմ ապստամբությունը սկսվել է 2011–ի մարտից։ Համաձայն միջազգային իրավապաշտպան կազմակերպությունների տվյալների՝ կառավարական զորքերը ճնշում են գործադրում խաղաղ բողոքի ցույցերի մասնակիցների նկատմամբ։ Ըստ ՄԱԿ–ի տվյալների, զոհերի թիվը գերազանցում է 5.4 հազարը։

Փետրվար 4ին Ռուսաստանը և Չինաստանը վետո էին կիրառել ՄԱԿ-ի Անվտանգության խորհրդում Սիրիայի նկատմամբ նոր բանաձևի վրա։ ՄԱԿ–ի ԱԽ–ի անդամ մնացած 13 երկրները կողմ էին քվեարկել այդ բանձևին, որով Սիրիայի իշխանություններին կոչ է արվում անհապաղ դադարեցնել բռնությունները ժողովրդի նկատմամբ։