Օդի ջերմաստիճանը կրկին կբարձրանա

Հանրապետության տարածքում փետրվարի 25-28-ը, 29-ի գիշերը սպասվում է առավելապես առանց տեղումների եղանակ, 29-ի ցերեկը շրջաների զգալի մասում սպասվում են տեղումներ: Այս մասին ասված է ՀՀ ԱԻՆ պաշտոնական կայքում զետեղված հաղորդագրության մեջ։

Քամին 25-27-ին արևմտյան 2-7 մ/վրկ, 28-29-ին հարավ-արևմտյան 3-8 մ/վրկ: Օդի ջերմաստիճանը 27-28-ի գիշերը կբարձրանա 9-11, ցերեկը՝ 4-6 աստիճանով: Երևանում փետրվարի 25-28-ը սպասվում է առանց տեղումների եղանակ, 29-ի օրվա երկրորդ կեսին սպասվում է անձրև: