Ջասթին Թիմբերլեյքը դավաճանության համար ստիպված կլինի վճարել 500 հազար եվրո

Ջասթին Թիմբերլեյքը (Justin Timberlake) և Ջեսիկա Բիլը (Jessica Biel) կրկին միավորվել են միմյանց միջև տեղի ունեցած վեճից հետո և ծրագրում են ամուսնանալ։ Ըստ «Radar Online» կայքում զետեղված հաղորդագրության՝ դատելով փաստերից Բիլը դեռ այդքան էլ չի վստահում Ջասթինին և փորձում է նախօրոք ապահովագրել իրեն։ Դերասանուհին առաջարկել է իր «երկրորդ կեսին» ստորագրել մի փաստաթուղթ, ըստ որի, դավաճանության դեպքում ամուսինը պետք է իրեն վճարի 500 հազար եվրո։

«Եթե Ջասթինը դավաճանի նրան, ապա Բիլը կարող է ստանալ գերազանց փոխհատուցում»,– ասում են զույգի մտերիմները։ Համաձայնագիրը ուժի մեջ կմտնի միայն աստղերի օրինական ամուսնությունից հետո։ Սակայն, թե ե՞րբ տեղի կունենա սպասված իրադարձությունը, դեռ ոչ ոք չգիտի։ Ավելին, Ջասթինն ու Ջեսիկան երբեք չեն քննարկել իրենց ամուսնությունը հասարակության առջև։ Սակայն Ջասթինի հարազատները հաստատել են, որ զույգն իսկապես պլանավորում է ամուսնանալ։

Հիշեցնենք, որ Թիմբերլեյքն ու Բիլը ծանոթացել են 2007 թվականին՝ «Ոսկե գլոբուս» մրցանակաբաշխության ժամանակ։ Արարողությունից մի քանի օր հետո պապարացիները «բռնեցրել» էին զույգին Յուտա նահանգի լեռնադահուկային կենտրոններից մեկում։

Անցյալ տարվա սկզբին սիրահարվածները բաժանվեցին, բայց մի քանի ամիս հետո կրկին միավորվեցին։ Հաշտեցումից հետո առաջ եկավ ամուսնանալու հարցը և 30-ամյա Ջասթինը հավանաբար հասկացավ, որ եկել է պատասխանատու քայլի ժամանակը։ Նշանադրությունը կայացավ Վայոմինգում, որտեղ ձմեռային սպորտաձևերի սիրահարներ՝ Թիմբերլեյքն ու Բիլը անցկացրել են ամանորյա արձակուրդները։