Մոդելյեր Ռոբին Քոուլսի գլխարկների ցուցադրության մասնակիցները՝ միայն գլխարկներով

Երեկ Լոնդոնում եզրափակվել է նորաձևության շաբաթը։ Շաբաթվա շրջանակներում ինչպես միշտ իրենց նոր հավաքածուները ցուցադրեցին տասնյակ նորաձևության տներ և գլամուրային ամսագրերի խմբագիրները պարզապես չէին հասցնում ներկա գտնվել բոլոր ցուցադրություններին։ Սակայն ամենաուժեղ տպավորությունը հանդիսատեսի և լրագրողների վրա թողեցին ոչ թե «Burberry»–ն կամ «Mulberry»–ն, այլ դիզայներ Ռոբին Քոուլսի (Robyn Coles) գլխարկների ցուցադրությունը։ Պատճառն այն է, որ բեմ բարձրացած մոդելները միայն գլխարկներով են եղել։ Ռոբինը որոշել էր արամատական քայլի գնալ։ Նրա ստեղծագործությունները ներկայացնում էին ամբողջովին մերկ 20-50 տարեկան մոդելներ։ Բայց ամենից շատ հանդիսատեսին ապշեցրել է նախկին «Միսս Ուելս» Սոֆիա Կեհիլը (Sophia Cahill), որը շրջում էր պոդիումով միայն գլխի զարդարանքով՝ լինելով հղիության 8–րդ ամսում։

Ապագա մայրիկը համաձայնել է ցուցադրությանը մասնակցել 4 այլ մոդելների հետ միասին, որոնց շարքում է նաև դերասան Ջեֆ Լիչը (Jeff Leach)։

Դիզայները բացատրել է, որ հրավիրել է Կեհիլին այն պատճառով, որ պոդիումում գրեթե անհնար է հղի կանանց տեսնել։ Փաստորեն շոուի նպատակն էր ուշադրություն հրավիրել հենց դիզայների և շոուի վրա, այլ ոչ թե գլխի զարդարանքների։ Քոուլսի խոսքերով, բոլոր անհայտ դերասանները պետք է գտնեն ճանապարհ իրենց վրա ուշադրություն գրավելու համար։