Արաբական երկրներն առաջարկել են Սիրիայում տիրող իրավիճակի կարգավորմանն ուղղված նախագիծ

Agence France Presse–ի հաղորդմամբ այս մասին են հայտարարել Արաբական երկրների լիգայի անդամ–պետությունների ներկայացուցիչները՝ երեկ՝ հոկտեմբերի 30-ին, Քաթարում կայացած իրենց հանդիպման ավարտից հետո։ Հանդիպմանը մասնակցել է նաև Սիրիայի պաշտոնական պատվիրակությունը՝ ԱԳ նախարարի գլխավորությամբ։

Նախագծի համաձայն՝ Սիրիայի նախագահ Բաշար Ալ Ասադը պետք է «կոնկրետ քայլեր ձեռնարկի»՝ Սիրիայում մարդկային զոհերի և ցանկացած ձևի բռնության կանխման համար։ Աղբյուրը չի մանրամասնել, թե կոնկրետ ինչ «քայլեր» են առաջարկվել այդ նախագծում, սակայն հույս է հայտնել, որ դրանց իրականացման դեպքում Սիրիայի նախագահը կխուսափի այն ճակատագրից, որին արժանացել են մյուս արաբական երկրների բռնապետերը։