Ռոյ Լիխտեյնշտեյնի «Քնած աղջիկը» գնահատվել է 40 մլն դոլար

«Sotheby's» աճուրդի տանը վաճառքի է հանվել Ռոյ Լիխտեյնշտեյնի «Քնած աղջիկը» կտավը, որի համար կառաջադրվի 40 մլն դոլար։ Այս մասին հաղորդում է lenta.ru-ն։

«Քնած աղջիկը» նկարչի՝ կոմիքսի ոճով ստեղծված գործերից է, որի վրա Լիխտեյնշտեյնն աշխատել է 1960-ականներից։

Նշենք, որ 2011-ին նկարչի՝ կոմիքսի ոճով ստեղծված շարքի աշխատանքներից մեկը՝ «Ես տեսնում եմ սենյակը, բայց այնտեղ ոչ ոք չկա» աշխատանքը, «Christie's» աճուրդում վաճառվել է 43.2 մլն դոլարով, որը ռեկորդային գին է նկարչի մյուս վաճառված աշխատանքների շարքում։

«Քնած աղջիկը» վաճառքի է հանվել Լոս-Անջելեսից Ֆիլիպ և Բեաթրիս Գերշերի ժառանգորդների կողմից։ Ավելի վաղ այս աշխատանքը միայն մեկ անգամ է ցուցադրվել հասարակության լայն զանգվածների համար՝ 1989-1990–ական թթ.–ին, Լոս–Անջելեսի «Ժամանակակից արվեստների թանգարանում»։ Տվյալ աճուրդը, որտեղ ներկայացված կլինի նաև «Քնած աղջիկը», կանցկացվի Նյու Յորքում՝ մայիսի 9-ին։