WikiLeaks–ը հրապարակել է Stratfor–ի գաղտնի փաստաթղթեր

WikiLeaks սկանդալյին կայքը ամերիկյան հետախուզա–հետազոտական ընկերության Strategic Forecasting Inc. (Stratfor) գաղտնի փաստաթղթեր է հրապարակել։ Ամերիկյան որոշ լրատվամիջոցներ Stratfor–ը համարում են «ԿՀՎ–ի ստվեր»–ը։

Stratfor–ը զբաղվում է աշխարհում տեղի ունեցող իրադարձությունների վերաբերյալ տեղեկությունների հավաքմամբ և վերլուծմամբ։ Գաղտնի կազմակերպությունը տեղեկությունները ստանում է ԶԼՄ–ներից, այլ հասարակական աղբյուրներից և ընկերության սեփական ինֆորմացիոն աղբյուրներից։ Այդ տեղեկությունների որոշ մասը հրապարակվում է, սակայն դրանց զգալի մասը գաղտնի է պահվում։

Stratfor-ի ծառայություններից օգտվում են ԱՄՆ–ի ազգային անվտանգության դեպարտամենտը, ԱՄՆ–ի ռազմածովային ուժերի կորպուսը, ինչպես նաև այնպիսի հայտնի ընկերություններ, ինչպիսիք են ամերիկյան Lockheed Martin, Northrop Grumman և Raytheon կորպորոցիաները, հաղորդում է «Ռիա նովոստին»։

Stratfor–ի կայքերի վրա սա առաջին հարձակումը չէ։ Անցյալ տարի Anonymous հակերական խումբը հաղորդագրություն էր տարածել, որ այդ ընկերության վերաբերյալ 200 գիգաբայթ հասնող ներքին տեղեկատվություն է գաղտնազերծել։