Թուրքիայում հայ լրագրող Մարգար Եսայանը Twitter-ում նախազգուշական գրառում է թողել Էրդողանի համար
Բլոգոսֆերա
Թուրքական «Յենի շաֆաք» պարբերականի հայազգի լրագրող Մարգար Եսայանը նախազգուշական հայտարարություն է արել վարչապետ Ռեջեփ Թայիփ Էրդողանի համար:
Եսայանը Twitter-ի իր միկրոբլոգում գրություն է թողել ընդդիմադիր առաջնորդ Քեմալ Քըլըչդարօղլուին մեջլիսում ծեծի ենթարկելու վերաբերյալ:
«Թող անցած լինի, պարոն Քըլըչդարօղլու: Մեջլիսի անվտանգությունն էլ թող ուժեղացվի: Սա սադրանք էր, սակայն այս ուղերձը կարող է ուղղված լինել նաև Էրդողանի դեմ»,-գրել է Եսայանը: Հայազգի լրագրողի հայտարարությունը մեծ արձագանք է գտել Twitter-ի օգտատերերի շրջանում:
Թուրքիայում ապրիլի 8-ին ծեծել են գլխավոր ընդդիմադիր Ժողովրդահանրապետական կուսակցության առաջնորդ Քեմալ Քըլըչդարօղլուին: Թուրքական ընդդիմության առաջնորդին ծեծել են այն ժամանակ, երբ նա փորձում էր անցնել խորհրդարանի նիստերի դահլիճ, որտեղ պետք է ելույթ ունենար: Նշվում է, որ ամբոխից դուրս եկած մարդը հանկարծակի սկսել է բռունցքներով հարվածել Քըլըչդարօղլուի դեմքին: ԺՀԿ կուսակցապետը վայր է ընկել, նրա ակնոցներն ընկել են գետնին և ջարդվել: Թիկնապահներն առաջնորդին անմիջապես հեռացրել են դեպքի վայրից: Խորհրդարանի պահակային ոստիկանական ծառայության աշխատակիցները ձերբակալել են հարձակվողին:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
