Իսրայելը ոչնչացրել է Իրանի միջուկային օբյեկտների ողջ ենթակառուցվածքները. WikiLeaks

Իրանի միջուկային օբյեկտների ողջ ենթակառուցվածքները ոչնչացվել են Իսրայելի կողմից: Այս տեղեկությունը երկուշաբթի հրապարակվել է WikiLeaks կայքում: Տեղեկությունը գաղտնազերծվել է ամերիկյան Stratfor հետախուզական և վերլուծական կենտրոնի տվյալների բազայից։

2011–ի նոյեմբերին թվագրված նամակում իսրայելական հետախուզության սպան, մեկանաբանելով Իսրայելի կողմից Իրանի դեմ ռազմական գործողություններ սկսելու հավանականության մասին հաղորդագրությունը, նշել է. «Կարծում եմ, որ դա կանխամտածված հնարք է։ Իսրայելն արդեն մի քանի շաբաթ առաջ ոչնչացրել է Իրանի միջուկային օբյեկտների վերգետնյա բոլոր ենթակառուցվածքները»։

Իսրայելական աղբյուրը նաև նշել է, որ Իրանի հետ հակամարտությունը եվրոպական երկրների կողմից կազմակերպված դավադրության մաս է կազմում։

««Եկեք հարձակվենք Իրանի վրա» կարգախոսով մեկնարկած քարոզարշավը նախապես կազմակերպված է եվրոպական երկրների առաջնորդների կողմից, որպեսզի հանրության ուշադրությունը չսևեռվի ներքին ֆինանսական խնդիրների վրա», – ընգծել է իսրայելական հետախույզը։

Ինչպես սպասվում էր, Wikileaks կայքն արդեն հրապարակել է ավելի քան հինգ միլիոն գաղտնի դիվանագիտական փաստաթղթեր, որոնք 2004–ի դեկտեմբերից մինչև 2011 թվականն ընկած ժամանակահատվածին են վերաբերում, հաղորդում է Росбалт-ը։