ԵՄ-ն Լեռնային Ղարաբաղի համար հետկոնֆլիկտային սցենարներ կմշակի

Փետրվարի 27-ի Եվրոպայի Խորհրդի Արտաքին հարաբերությունների հանձնաժողովի նիստը հանգել է Հարավային Կովկասի երեք երկների վերաբերյալ հետեւյալ եզրակացություններին:

1. ԵՄ-ն ողջունում է Արեւելյան գործընկերության շրջանակներում գրանցված նշանակալից առաջընթացը Հայաստանի, Ադրբեջանի եւ Վրաստանի հետ ԵՄ հարաբերություններում: Այս համատեքստում, ԵՄ-ն ընդգծում է Արեւելյան գործընկերության կարեւորությունը որպես յուրահատուկ ձեւաչափ Եվրոպական հարեւանության քաղաքականության համար:

2. Վերահաստատելով իր առանցքային շահերը տարածաշրջանում, որոնք հիմանակում առնչվում են անվտանգության եւ կայունության, ժողովրդավարական բարեփոխումների, էներգետիկ եւ տնտեսական ներդրումների հետ՝ ԵՄ մնում է հավատարիմ բարեկեցության, անվտանգության, ժողովրդավարության, օրենքի գերակայության, մարդու իրավունքների, արդար պետական կառավարման, կայուն զարգացման եւ տարածաշրջանային համագործակցության սկզբունքներին ողջ Հարավային Կովկասում եւ պատրաստ է ավելացնել ջանքերը աջակցելու վստահության կառուցման, ինչպես նաեւ տարածաշրջանում հակամարտությունների խաղաղ հանգուցալուծումների համար՝ սերտ համագործակցելով բոլոր համապատասխան կողմերի հետ:

3. ԵՄ-ն կարեւորում է Վարշավայում Արեւելյան գործընկերության վեհաժողովի ընթացքում ստանձնած պարտավորությունների շարունակական իրականացումը եւ վերահաստատում է, որ բարեփոխումների տեմպերը կսահմանեն ԵՄ-ի հետ հարաբերությունների ինտեսիվությունը, եւ այն գործընկերները, որոնք առավել ներգրավված կլինեն բարեփոխումների մեջ, ավելի կշահեն ԵՄ-ի հետ իրենց հարաբերություններում, այդ թվում՝ առավել սերտ քաղաքական ասոցիացիա, խոր աստիճանական տնտեսական ինտեգրում ԵՄ ներքին շուկա, քաղաքացիների անվտանգ եւ լավ կառավարվող շրջակա միջավայրում շարժունության ապահովում եւ ԵՄ աջակցության բարձրացում:

Հայաստանին վերաբերող հատվածում ԵՄ-ն ողջունում է Ասոցիացիայի Համաձայնագրի շուրջ բանակցություններում գրանցված առաջընթացը: Այն փաստում է, որ բանակցությունների համար նախատեսված պայմաններն իրականացվել են: ԵՄ-ն շեշտում է, որ Հայաստանը պետք է շարունակի ոլորտային բարեփոխումները եւ կանոնակարգվող մերձեցումը առեւտրի եւ առեւտրին առնչվող հատվածներում՝ հիմնվելով ԽՀԱԱՀ (խոր և համապարփակ ազատ առևտրի համաձայնագրի) նախապատրաստական գործընթացի վրա: ԵՄ-ն պատրաստակամություն է հայտնում շարունակական աջակցություն ցուցաբերել Հայաստանին, ըստ Հայաստանի՝ միասին հայտնաբերած կարիքների:

ԵՄ-ն ընդգծում է 2012-ի մայիսին կայանալիք խորհրդարանական եւ 2013-ի նախագահական ընտրությունները միջազգային ժողովրդավարական չափանիշներին համապատասխան անցկացնելու հույժ կարեւորությունը եւ ուշադրությամբ կհետեւի Հայաստանի ընտրական զարգացումներին:

ԵՄ-ն խրախուսում է Հայաստանին առավել բարեփոխումներ իրականացնել ժողովրդավարական հաստատությունները ամրապնդելու, դատական համակարգի անկախությունը, քաղաքական բազմակարծությունը եւ լրատվամիջոցներին հավասար հասանելիությունը, ինչպես նաեւ մարդու իրավունքները եւ հիմնարար ազատությունները ապահովելու համար եւ վերահաստատում է իր աջակցությունը այդ բարեփոխումներին:

ԵՄ-ն ընդգծում է կոռուպցիայի դեմ արդյունավետ պայքարի կարեւրությունը եւ ողջունում է Հայաստանի հանձնառությունը այս կապակցությամբ: Այս ոլորտում իրական առաջընթացը ֆունդամենալ է տնտեսական աճի եւ զարգացման համար:

Լեռնային Ղարաբաղի հակամարտության վերաբերյալ, ԵՄ-ն հայտնում է իր անհանգստությունը Հայաստանի ու Ադրբեջանի միջեւ բանակցություններում դանդաղ առաջընթացի կապակցությամբ: Այս համատեքստում, ԵՄ-ն շարունակում է սատարել Մինսկի Խմբի ջանքերը, ինչպես նաեւ ընդունում է եռակողմ բանակցություններում առաջընթացի հասնելու Ռուսաստանի նախագահ Դմիտրի Մեդվեդեվի ջանքերը:

ԵՄ-ն իր մտահոգությունն է հայտնում շփման գծում աճող լարվածության կապակցությամբ եւ ընդգծում է հրադադարի ռեժիմը պահպանելու եւ վստահության կառուցման համապատասխան միջուցներ ձեռք առնելու հրատապ քայլերի կարեւորությունը:

ԵՄ-ն իր լիակատար պատրաստակամությունն է հայտնում աջակցել վստահության միջոցների կառուցմանը: Այս կապակցությամբ ԵՄ-ն ընգծում է իր ներկայացուցիչների համար Լեռնային Ղարաբաղի եւ շրջակա տարածքների անվերապահ հասանելիությունը: Եվրոպայի Խորհուրդը կոչ է անում Բարձր ներկայացուցչին եւ Հանձնաժողովին, ԵԱՀԿ-ի հետ սերտ խորհրդակցություն պահպանելով, մշակել հետկոնֆլիկտային սցենարներ Լեռնային Ղարաբաղի համար, որպես հիմք ԵՄ-ի հետագա ներգրավվածության համար, հաղորդում է Lragir-ը։