Սիրիական բանակը հարձակումներ է իրականացնում Լաթաքիայի գյուղերում զինյալների հավաքատեղիների ուղղությամբ
Մերձավոր Արևելք
Սիրիական բանակը հարձակվել է Լաթաքիայի հյուսիսային Սամրա, Նաբա ալ Մար, Մահմիե ալ Ֆարլակ և Նաբիին շրջանների զինյալների հավաքատեղիների վրա: Տեղի ունեցած բախումների հետևանքով սպանված զինյալների թվում հորդանանցի, լիբանանցի, թուրք, քաթարցի, եգիպտացի զինյալներ են եղել:
Բացի այդ, բախումները շարունակվում են Չալմա լեռան շրջակայքում, ինչպես նաև Ջաբալ Զահիա, ալ Քաբիր, ալ Խադրա տարածքների շրջակայքում, 45 բարձունքի մոտակայքում: Թուրքական հրետանին փորձում է ծածկել զինյալների հարձակումները:
ՍԱՆԱ գործակալությունը տեղեկացնում է, որ սիրիական բանակը հարձակումներ է իրականացնում նաև Լաթաքիայի հյուսիսային Ռաբիա, Բեյթ Շուրուկ, Սարայա գյուղերում զինյալների հավաքատեղիների վրա, որտեղ մեծ թվով զինյալներ են սպանվել և վիրավորվել: Ոչնչացվել են հրթիռներ և զենքերով լի մեքենաներ:
Լաթաքիայի հյուսիսային Քեսաբի շրջանի վրա հարձակումը սկսվել է մարտի 21-ին Թուրքիայի սահմանի ութ կետերից: Հարձակումն իրականացրել են «Ջաբհա ան Նուսրա» և «Ջեյշ ալ Իսլամ»խմբավորումները Թուրքիայի կառավարության անմիջական աջակցությամբ: Քեսաբահայերի մի մասն ապաստան է գտել Լաթաքիայի ս. Աստվածածին եկեղեցու երկու սրահներում, մյուսները տներ են վարձել կամ բնակվում են իրենց ազգականների տներում:
ՈՒՂԻՂ ԵԹԵՐ
Ամենադիտված 
Իմ դարի չափ տխրությունն Անին վերցրեց իր փխրուն ուսերին ու տարավ․ Նազենի Հովհաննիսյան
