Իսրայելը Ռուսաստանին է փոխանցել վրացական անօդաչու սարքերի կոդեր. WikiLeaks

WikiLeaks սկանդալային կայքը հրապարակել է վերջերս գաղտնազերծված` ԱՄՆ–ի հետախուզությունների դաշնային բյուրոյի «ստվեր» համարվող Stratfor տեղեկատվական-հետազոտական կենտրոնի գաղտնի փաստաթղթերը, որոնցից մեկում նշվում է, որ ռուս–վրացական հակամարտության ժամանակ Իսրայելը Ռուսաստանին տրամադրել է վրացական բանակին պատկանող անօդաչու թռչող սարքերի կոդեր։

Այդ կոդերը տեղեկություններ է տրամադրել վրացական բանակի կողմից օգտագործվող իսրայելական արտադրության անօդաչու թռչող սարքերի մասին, իսկ Իրսայելը դրա փոխարեն Ռուսաստանից ստացել է 2006–ին Իրանին վաճառած ռուսական արտադրության Тор М-1 հակաօդային պաշտպանության համակարգի մասին տվյալներ։

Փաստաթղթում նշվում է, որ Իսրայելի և Ռուսաստանի միջև այդ գործարքի մասին ԱՄՆ–ին հայտնի է դարձել մեքսիկացի գործակալի միջոցով։ Աղբյուրը նշել է, որ 2008–ի հուլիսին՝ նախքան Հարավային Օսիայի իրադարձությունները, Վրաստանը դիմել է զենքի ապօրինի առևտրով զբաղվող ինչ–որ տեղացի մեկին՝ գաղտնազերծված իսրայելական անօդաչու թռչող սարքերի փոխարեն նորերը գնելու մտադրությամբ։ Բացի այդ, վրացական կողմը ցանկացել է որոշակի քանակությամբ հրետանային զինամթերք և ՆԱՏՕ-ի զորքերի համար արտադրված երկու ուղղաթիռներ ձեռք բերել։ 

Stratfor–ի աշխատակիցն իր գործընկերոջը գրած նամակում նշում է, որ «վրացիները հուսահատ փնտրում էին նրան, ով կկարողանար իրենց անհրաժեշտ զինամթերքը վաճառել, որոնց համար նրանք պատրաստ էին շատ բարձր գին վճարել, քանի որ վրացական կողմն արդեն գիտեր իր դեմ ծրագրվող պատերազմի մասին»։