Աշխարահռչակ աստղերից շատերն անգամ չեն ավարտել դպրոցը

Պարզվում է` կան շատ հայտնի մարդիկ, ովքեր իրենց ուսումը թողել են հանուն կարիերայի: Աշխարահռչակ աստղերից շատերն անգամ չեն ավարտել դպրոցը, բայց հասել են բարձունքների իրենց աշխատանքի մեջ:

Օրինակ` Ջոնի Դեպպին, ով ծխում է 12 տարեկանից և թմրանյութեր է օգտագործում, հեռացրել են դպրոցից 15 տարեկանում: Վերադառնալով ուսմանը` նա չէր դադարել երազել երաժիշտ դառնալ, և 16 տարեկան հասակում վերջնականապես թողնում է ուսումը:

Շարլիզ Տերոնը հեռացել է դպրոցից 16 տարեկան հասակում հանուն բալետի: Հաջողության ճանապարհը նրան տարավ Նյու Յորք: Իսկ 3 տարի հետո ոտքի վնասվածքի պատճառով Շարլիզը եկավ Լոս-Անջելես, որտեղ նրան ընձեռվեց հնարավորություն հանդես գալու որպես դերասանուհի:

Նիկոլ Քիդմանը նույնպես հեռացել է դպրոցից, բայց ոչ թե հանուն կարիերայի, այլ հանուն իր մայրիկի, ով քաղցկեղով էր հիվանդ: Ընտանիքի վատ սոցիալական վիճակի պատճառով նա ստիպված աշխատել է մերսման սրահում` համատեղելով թատրոնի հետ: Եվ 16 տարեկան հասակում նա առաջին անգամ հայտնվել է հեռուստատեսությունում: