Մենք չգիտենք՝ ինչ ասել է սիրիական ընդդիմություն. Հիլարի Քլինթոն
Մերձավոր Արևելք
ԱՄՆ-ը մինչ օրս հստակ պատկերացում չունի, թե ինչ է իրենից ներկայացնում Սիրիայի ընդդիմությունը, ասել է ԱՄՆ պետքարտուղար Հիլարի Քլինթոնը։
Ելույթ ունենալով ԱՄՆ Կոնգրեսի ներկայացուցիչների պալատի ենթահանձնաժողովներից մեկում՝ Քլինթոնը զուգահեռներ է անցկացրել Լիբիայի ու Սիրիայի միջև ու համեմատել է այդ երկու երկրների ընդդիմադիր ուժերը։
«Լիբիայում ընդդիմությունն իր վերահսկողության տակ էր պահում որոշակի տարածք՝ Բենգազին։ Այն ուներ իր ներկայացուցչական մարմինը՝ մարդիկ, որոնք արտաքին աշխարհի հետ դիվանագիտական կապեր էին ստեղծում։ Կային նաև գրոհայիններ։ Մենք կարող էինք հանդիպել նրանց հետ, ուսումնասիրել նրանց, սուր հարցեր տալ»,-Քլինթոնի խոսքերն է մեջբերում NEWSru.com-ը։
Իսկ երբ Այման ազ-Զավահրին («Ալ Կաիդա») հանդես է գալիս սիրիական ընդդիմության աջակցության կոչերով, հարց է առաջանում՝ ովքե՞ր են զինվողները, եթե ԱՄՆ-ը որոշի զինել, ինչպե՞ս է այդ զենքը փոխադրվելու այնտեղ, հավելել է Քլինթոնը։
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
