Առաջիկա օրերին հայտնի կդառնան Սիրիայի նախագահի թեկնածուների անունները. ՍԱՆԱ

Սիրիայի Բարձրագույն Սահմանադրական դատարանի նախագահ Ադնան Զարիկը հայտարարել է, որ մայիսի 1-ին լրացել է նախագահական ընտրություններին մասնակցել ցանկացողների առաջադրման ժամկետը: Ինչպես հաղորդում է սիրիական ՍԱՆԱ գործակալությունը, ապրիլի 22-ից մինչև մայիսի 1-ը դատարանն ընդունել է 24 հայտ: Առաջիկա 5 օրերի ընթացքում դատարանը կուսումնասիրի ընդունված հայտերը, ապա Ազգային ժողովի պատգամավորները կքվեարկեն առաջադրված թեկնածուների համար և վերջնական պարզ կդառնա Սիրիայի նախագահի թեկնածուների անունները:

Սիրիայում նախագահական ընտրությունները տեղի կունենան հունիսի 3-ին, իսկ Սիրիայի տարածքից դուրս գտնվող քաղաքացիներն իրենց ընտրությունը կկատարեն մայիսի 28-ին Սիրիայի դեսպանատներում: