Դավութօղլուն զայրացել է Freedom House-ի հրապարակած զեկույցից

Թուրքիայի արտաքին գործերի նախարար Ահմեդ Դավութօղլուին զայրացրել է Freedom House իրավապաշտպան կազմակերպության հրապարակած «Մամուլի ազատության 2014» զեկույցը, որտեղ Թուրքիան ներկայացված է որպես ոչ ազատ ԶԼՄ-ներ ունեցող երկիր: Այս մասին տեղեկացնում է թուրքական «Ռադիկալ» պարբերականը: Թ ուրքիայի արտգործնախարարը հայտարարել է, որ իրենց երկրում մամուլն ավելի ազատ է, քան որևէ այլ երկրում: «Ակնկալում ենք, որ մեր լրագրողներն էլ հերքեն հրապարակված զեկույցը»,- ասել է Դավութօղլուն: Freedom House իրավապաշտպան կազմակերպության «Մամուլի ազատության 2014» զեկույցում ուսումնասիրված 197 երկրներից և տարածքներից 63-ը գնահատվել են «ազատ», 68-ը' «մասամբ ազատ», իսկ 66-ը «լրիվ անազատ»:

Freedom House-ի ներկայացրած զեկույցի համաձայն' մամուլի ազատության ցուցանիշով առաջին տեղում են Նիդերլանդները, Նորվեգիան և Շվեյցարիան, այնինչ, վերջին տասնյակում են Կուբան, Բելառուսը, Թուրքմենստանը, Ուզբեկստանը և Կորեայի Ժողովրդադեմոկրատական Հանրապետությունը: Ռուսաստանը վարկանիշային աղյուսակի 176-րդ տեղում է Եթովպիայի և Սուդանի հետ, Չինաստանը, Ադրբեջանը, Լաոսը և Վիետնամը կիսում են' 183-րդ տեղը: Ուկրաինան զբաղեցրել է 139-րդ հորիզոնականը: Իսկ Հայաստանն Էկվադորի, Թուրքիայի, Հարավային Սուդանի և Լիբիայի հետ զբաղեցնում է 134-րդ հորիզոնականը: