Պայթյուններ` Ստամբուլի ոստիկանական վարչությունում
Թուրքիա
Ստամբուլի ոստիկանական վարչություններից մեկում այսօր առավոտյան 5 րոպե ընդմիջումով երկու ձայնային ռումբեր են պայթեցվել: Ինչպես հաղորդում է HaberTuirk հեռուստաալիքը, պայթյունի հետևանքով մեկ մարդ վնասվածքներ է ստացել:
Մեղավորներին ձերբակալելու համար ոստիկանությունը ուղղաթիռ է օդ բարձրացրել: Փաստի առնչությամբ հետաքննություն է սկսվել:
Որոշ վերլուծաբաններ միջադեպը կապում են Ստամբուլում մայիսմեկյան երթերի ժամանակ խաղաղ ցուցարարների նկատմամբ թուրքական ոստիկանության գործադրած բռնությունների հետ:
Թուրքական ԶԼՄ-ները հայտնում են, որ մայիսի 1-ին Աշխատավորների համերաշխության միջազգային օրվա կապակցությամբ թուրքական արհմիութենական կազմակերպությունների, ընդդիմադիր Ժողովրդահանրապետական և քրդական կուսակցությունների կազմակերպած երթի ժամանակ ոստիկանության և ցուցարարների միջև բախումներում 90-ից ավելի մարդ է տուժել, այդ թվում' ոստիկանության 13 աշխատակից: Մայիսի 1-ի բախումների արդյունքում ձերբակալվել է 211 ցուցարար, ովքեր մեղադրվում են ոստիկանության դեմ «սադրանքներ» կատարելու մեջ: Թուրքիայում Աշխատավորների միջազգային համերաշխության օրը' մայիսի 1-ի տոնակատարությունն արգելված է 1982 թ-ից:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
