Գրքերի գները չե՞ն բարձրանա

Կառավարության այսօրվա նիստի ժամանակ Տիգրան Սարգսյանն նշեց, որ նա այսօր էլ ստացել է մի խումբ մտավորականների, գրողների, բանաստեղծների նամակ, որը վերաբերում է գրքերի գների բարձրացմանը: Խոսքը տալով ՀՀ ֆինանսների նախարար Վաչե Գաբրիելյանին, որպեսզի նա պարզաբանումներ տա, ով իր խոսքում նշեց. «Մենք ձեր հանձնարակականով արդեն աշխատել ենք ՊԵԿ-ի և մշակույթի նախարարության հետ: Դեռևս երեքշաբթի օրը հանդիպել ենք գիրք հրատարակողներին և գրավաճառներին և պարզաբանել ենք բոլոր այն խնդիրները, որ կան հարկային ոլորտում: Մասնավորապես՝ ես ուզում եմ նշել, որ մենք գրքերի վերաբերյալ որևէ հարկային բեռ չենք ավելացրել 2011-2012-ի ընթացքում, այսինքն նոր մի օրինագիծ, որը կփաստեր, որ մենք հարկում ենք լրացուցիչ հարկերով՝ չեն եղել: Այնտեղ կա այլ օրենքի տարընթերցում ԱԱՀ-ի վերաբերյալ, որը վերաբերում է պայմանագրային հարաբերություններին: Մենք պարզբանեցինք, իհարկե լուծումներ գտանք մեր բոլոր հրավիրվածների հետ: Մենք ՊԵԿ-ի հետ մեր պաշտոնական պարզաբանումը արդեն պատրաստել ենք, որն ամենաուշը երկուշաբթի կամ երեքշաբթի արդեն կհրապարակենք: Բայց ամեն դեպքում գրահրատարակիչները և գրավաճառները հասկացան, որ որևէ խնդիր չկա»: Տիգրան Սարգսյանի այն հարցին, թե այս ամենից հետո կարելի՞ է ենթադրել, որ գրքերի գները կրկին կնվազեն, Գաբրիելյանն ասաց. «Պարո՛ն վարչապետ, վստահ եմ, որ այդպես էլ կլինի»: 

Վարչապետի համոզմամբ՝ պետք է տեսնել, թե արդյո՞ք այս ոլորտում կա մրցակցություն, որպեսզի հստակ լինի հարցի պատասխանը, թե ինչու է գրքերի գները բարձրացել։

«Մշակույքի նախարար Հասմիկ Պողոսյանը մեզ տեղեկացրել է, որ գրախանութների թիվը ավելացել է տասով: Սրանից նշանակում է, որ պետք է լինի նաև մրցակցություն»- նշել է Տիգրան Սարգսյանը:

Վաչե Գաբրիելյանն ասել էնաև, որ գների բարձրացման մեջ որևէ քաղաքական դրդում չի կարող լինել: Քաղաքականությունը չի կարող հիմք հանդիսանալ գրքերի գների բարձրացման համար։