Կադաֆիի 6 հազար կողմնակիցներ պահվում են Լիբիայի բանտերում և դաժան կտտանքների են ենթարկվում. ՄԱԿ

Լիբիայի հեղափոխականները Մուամար Կադաֆիի ռեժիմի տապալումից և իշխանության գալուց հետո բանտերում պահում են նախկին առաջնորդի ավելի քան 6 հազար կողմնակիցների։ Այս մասին վիդեոկոնֆերանսի ժամանակ հայտնել է Լիբիայում ՄԱԿ–ի Գլխավոր քարտուղարի անվտանգության հարցերով հատուկ դեսպանորդ Յան Մարտինը։ Հայտնի է, որ նախկին առաջնորդի կողմանկիցները բանտերում կտտանքների են ենթարկվում, հաղորդում է Итар-Тасс–ը։

Ըստ դեսպանի, Լիբիայի ժամանակավոր կառավարությանը հաջողվել է իր հսկողության տակ վերցնել երկրի ընդամենը 8 բանտեր, որոնցում գտնվում են 2382 բանտարկյալներ։ Ընդհանուր առմամբ, ըստ Կարմիր խաչի միջազգային կոմիտեի, Կադաֆիի ռեժիմի դեմ կռված նախկին ապստամբները նորաստեղծ ժամանակավոր մոտ 60 բանտերում 8500 բանտարկյալների են պահում։

Ավելի վաղ նման մտահոգություն էր հայտնել Amnesty International միջազգային իրավապաշտպան կազմակերպությունը, որի համապատասխան զեկույցում նշվում էր Կադաֆիի կողմնակցիների նկատմամբ բանտերում խոշտանգումների ենթարկելու փաստեր։ 

Հիշեցնենք, որ Մուամար Կադաֆին սպանվեց լիբիացի ապստամբների կողմից 2011–ի հոկտեմբերին։ Ընդդիմությունը պահանջում էր նախկին առաջնորդի հրաժարականը։