«Առաջարկ Վայոց ձորի մարզպետարանին»

Նարեկ Միրզոյանը Facebook սոցցանցի իր էջում գրել է.

«Առաջարկ Վայոց ձորի մարզպետարանին.

Զանգվածային հաղորդակցման միջոցները ժամանակակից հասարակական կյանքի անբաժան մասն են դարձել: Որոշակիորեն սոցիալական վերահսկողություն և կառավարում իրականացնելով, հասարակական կարծիքի ձևավորման վրա ներգործելով, գիտելիքներ, փորձ ու մշակութային արժեքներ տարածելով, տեղի ունեցող իրադարձությունների մասին ազգաբնակչության ամենալայն խավերին տեղեկացնելով' զանգվածային հաղորդակցման միջոցները, որոնց թվում և հեռուստատեսությունը, կատարում են հասարակական հարաբերությունների աջակցման ու ամրապնդման կարևորագույն գործառույթներ:

Տեղեկատվական տեխնոլոգիաների զարգացման այս դարում մեծ է նաև հեռուստատեսությունների դերը և նշանակությունը:

Վայոց ձորը լինելով պատմամշակութային ժառանգություններով, գյուղական բարքերով ու հարուստ ավանդույթներով մարզ` չունի իր մարզային հեռուստաընկերությունը, ինչի կարիքը շատ է զգացվում: Այս մարզում կատարվող երբեմն շատ նշանակալի իրադարձություները չեն լուսաբանվում լրատվամիջոցների կողմից: Թերևս պատճառը հեռավորությունն է քաղաքամայր Երևանից:

Հարկ է նշել, որ մարզը ունի նաև զբոսաշրջային հնարավորություններ: Ուստի շատ լավ կլիներ, որ հաճախակի տարբեր հեռուստաէկրաններին երևար վայոցձորյան տեսարժան վայրերի մասին պատմող տեսանյութեր ու միայն մարզին հատուկ կոլորիտային հետաքրքիր նյութեր:

Jermuk NEWS-ը փորձեց սոց հարցում անցկացնել մարզի տարբեր համայնքներում, որպեսզի պարզի թե բնակիչները արդյոք՞ կցանկանան որպեսզի իրենց էկրաններին տեսնեն այլ հեռուստաընկերությունները: Արդյունքը եղավ դրական, բնակիչները կողմ են որպեսզի մարզզում գործեն տեղական այլ հեռուստաընկերություններ:

Հարգելի մարզպետ` Էդգար Ղազարյան, ցանկանում եմ Ձեզ տեղեկացնել, որ բնակիչները ցանկություն են հայտնել որպեսզի մարզում գործեն այլ հեռուստաընկերություններ: Ինչպես արդեն նշել ենք մարզը ունի զբոսաշրջային նշանակություն իսկ այս դեպքում տարատեսակ հեռուստալիքնը մեր մարզում ցանկալի են. ինչու չէ նաև` պարտադիր:

Ակնկալում ենք Ձեր աջակցությունը:

Վայոց Ձորի Երիտասարդ Լրագրողների Առցանց Կենտրոն
Jermuk news լրատվական»: