«Եվրատեսիլ»-ը շոու է. մրցույթին չմասնակցելը մեծ կորուստ չէ. Մրո

«Եվրատեսիլ»-ը մշակույթի հետ եզր չունի. այն շոու է, մրցույթին չմասնակցելն էլ մեծ կորուստ չէ: Նման կարծիք հայտնեց երգիչ, ՀՀ վաստակավոր արտիստ Արսեն Գրիգորյանը (Մրո)' այսօր կայացած ասուլիսի ժամանակ' հավելելով, որ շուբիզնեսյան հարցը չպետք է լուծվի ազգային արժանապատվության կորստի հաշվին:

««Եվրատեսիլ»-ին մասնակցել-չմասնակցելը կենաց-մահու հարց չէ: Ի սկզբանե պետք չէր հարցը այսքան քննարկել, մենք պետք է մշակութային ռազմավարություն կիրառենք. «Եվրատեսիլ»-ը քաղաքականացված երևույթ է»,-նշեց նա

Պատասխանելով լրագրողների այն հարցին, թե կհամաձայնի արդյոք երգիչը մասնակցություն ունենալ նախընտրական քարոզարշավներին և որքանով է ինքն այդ քայլը պատվաբեր համարում՝ Մրոն պատասխանեց, որ եթե համապատասխան կուսակցության կողմից առաջարկ լինի, ինքը չի մերժի։

«Նախըտրական քարոզարշավների շրջանակներում կազմակերպվող միջոցառումներին մասնակցելուց չեմ ամաչում։ Ես կուսակցության համար չեմ երգում, ես ժողովրդի համար եմ երգում»,-ընգգծեց Արսեն Գրիգորյանը: