Հարկավոր է Ադրբեջանին և Եվրոպային ցույց տալ, որ մենք էլ սկզբունքներ ունենք. Ալլա Լևոնյան
Գիտություն և Մշակույթ
«Եվրատեսիլին հայ ներկայացուցիչ չպետք է մասնակցի. ու՞մ, ի՞նչ ենք ապացուցում։ Շուտ ենք մոռանում Ադրբեջանի վերաբերմունքը մեր նկատմամբ, մոռանում ենք, թե ինչ հաճախականությամբ է մեր սահմանին հայ զինվոր սպանվում, ի՞նչ Եվրատեսիլի մասին է խոսքը. եթե անգամ հաղթենք էլ մրցույթում, դա մեզ ոչինչ չի տա»,- նշեց երգչուհի Ալլա Լևոնյանը՝ այսօր կայացած ասուլիսի ժամանակ։
Նա նաև հիշեցրեց, որ Ադրբեջանը հրաժարվել է մասնակցել տարիներ առաջ նյույորքյան փառատոններից մեկին՝ հայտարարելով, որ հայ մասնակցից հետո բեմ դուրս չի գա։
«Ի սկզբանե դեմ եմ եղել Եվրատեսիլին հայ ներկայացուցչի մասնակցությանը,Ադրբեջանին և Եվրոպային պետք է ցույց տանք, որ մենք էլ սկզբունքներ ունենք»,-նշեց երգչուհին։
Անդրադառնալով լրագրողների այն հարցին, թե կհամաձայնի՞ երգչուհին մասնակցություն ցուցաբերել նախըտրական քարոզարշավների շրջանակներում կազմակերպվող միջոցառումներին՝ Ալլա Լևոնյանը պատասխանեց, որ դրանում արտառոց ոչինչ չի տեսնում։
«Նման փորձ կա թե՛ ԱՄՆ-ում, թե՛ ՌԴ-ում, ինչո՞ւ պետք է մեզ մոտ չլինի։ Եվ հետո, եթե ես երգում եմ որևէ կուսակցության հարթակից՝ նշանակում է՝ որոշակիորեն համակրում եմ նրան»,-պարզաբանեց երգչուհին։
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
