Ուիթնի Հյուսթոնի երեք ալբոմները հայտնվել են Billboard-ի վերին տասնյակում

Ուիթնի Հյուսթոնը երաժշտության պատմության մեջ միակ երգչուհին է, ում երեք ձայնապնակները միանգամից հայտնվել են Billboard 200-ի վերին տասնյակում: Այս մասին հայտնում է gazeta.ru-ն:

Երգչուհու Whitney: The Greatest Hits-ը նախորդ շաբաթ թողարկվեց 174 հազար օրինակով՝ արդյունքում զբաղեցնելով շքերթի երկրորդ հորիզոնականը:

«Թիկնապահը» ֆիլմի սաունդտրեկը զբաղեցնում է 6-րդ, իսկ երգչուհու մեկնարկային ձայնապնակը՝ Whitney Houston-ը, 9-րդ հորիզոնականը:

Billboard-ի ցուցակում հայտնվել են Հյուսթոնի այլ ձայնագրություններ ևս. մասնավորապես 7-րդ և վերջին ձայնապնակը՝ I look to you-ն, հայտնվել է 16-րդ հորիզոնականում, իսկ 1988-ին թողարկված My love is your love ձայնապնակը՝ 30-րդ հորիզոնականում:

Ձայնագրությունների նկատմամբ կտրուկ ուշադրությունը բացատրվում է երգչուհու վաղաժամ մահվամբ: Հիշեցնենք, որ Ուիթնի Հյուսթոնը մահացել է այս տարվա փետրվարի 11-ին: