Հալեպում հայ է զոհվել

Հալեպի հայկական Նոր Գյուղ թաղամասում մայիսի 11-ին հայ է զոհվել: Զոհվածը Հակոբ Գրտանյանն է, ով ծառայում էր սիրիական բանակի կողմից կռվող կամավորական ջոկատներում: Նա զոհվել է գազի շշերից պատրաստված պայթուցիկի ընկնելու հետևանքով:

Հալեպի Նոր Գյուղ թաղամասում մայիսի 11-ի կեսօրին ականանետներով կրակոցներ են տեղի ունեցել: Դրան զուգահեռ' սիրիական բանակը օդանավերով սկսել է ռմբակոծել տարածքը:

Քաղաքում հիմնական տագնապը բոլորի համար շարունակում է մնալ ջրի խնդիրը: Արդեն 8 օր է` քաղաքում ջուր չկա: