«Չորրորդ ինքնիշխանություն». ԱԺ փոխնախագահի աթոռը շառ է
Հայկական Մամուլ
«Ժառանգության» պատգամավոր Ստյոպա Սաֆարյանի ելույթը խիստ բարկացրել է Էդուարդ Շարմազանովին, ու նա գոռացել է, թե «Մնում էր Եվրատեսիլից խոսեք: Դե ուրեմն ես գիտեմ' ինչ եմ անում. խելոք նստիր տեղդ։
Մեկնաբանելով լուրը՝ «ՉԻ»-ն գրում է. «Ըստ երեւույթին ԱԺ փոխնախագահի աթոռը թուղթուգիր է արած: Ով նստում է վրան' շատ արագ կորցնում է մարդկային նկարագիրը եւ տեղի-անտեղի հիստերիայի նոպաներ ունենում: Բայց Էդուարդ Շարմազանովի այս ոչ ադեկվատ պահվածքը, կարծում ենք, ամենաշատը պիտի մտահոգի Սամվել Նիկոյանին: Որպես շարքային պատգամավոր' նա համեստ մարդ էր, դարձավ ԱԺ փոխնախագահ ու սկսեց հիստերիայի նոպաներ ունենալ, դա գնահատեցին եւ դարձրեցին ԱԺ նախագահ, որտեղ այդ նոպաները կրկնապատկվեցին, ու հիմա Էդուարդ Շարմազանովը բացահայտորեն ԱԺ նախագահ դառնալու հայտ է ներկայացնում: Փաստորեն' աչք ունի Նիկոյանի աթոռի վրա: Չնայած' շանսերն այնքան էլ մեծ չեն. առայժմ որեւէ պատգամավորի «համբալ» չի անվանել եւ խորհուրդ չի տվել լվալ ականջները:
Մի խոսքով' ճիշտ կանեն, եթե Նավասարդ Կճոյանին մի քիչ «Բենտլիի» զապչաստ տան ու խնդրեն աղոթել ԱԺ փոխնախագահի աթոռը: Բա հո Շարմազանով Էդոյին չե՞ն աղոթելու՞:
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
