Սիրիայում իսպանացի լրագրող է սպանվել

Սիրիայի իշխանությունները Հոմս քաղաքում հայտնաբերել են իսպանացի լրագրող Խավիեր Էսպինոզայի դին։

Итерфакс լրատվական գործակալությունը, վկայակոչելով Սիրիայի պետական հեռուստատեսությունը, հայտնում է, որ Կարմիր խաչի ներկայացուցիչների՝ սպանված օտարերկրյա երեք լրագրողների մարմինները Հոմս քաղաքից դուրս բերելու մեկ ու կես ամիս տևած փորձերն արդյունք չտվեցին։ Ընդդիմադիր ապստամբները, որոնք մոտ մեկ ամիս շարունակ Հոմս քաղաքը հսկողության տակ էին պահում, թույլ չեն տվել Կարմիր խաչի ներկայացուցիչներին մուտք գործել քաղաք։ 

Մինչդեռ, այսօր Սիրիայի իշխանությունները հայտարարել են, որ օտարերկրյա սպանված երկու լրագողների են հայտնաբերել Հոմս քաղաքում։ Նրանց մարմինները տեղափոխվել են Դամասկոս դատաբժշկական փորձաքննության՝ ինքնությունը հաստատելու համար, հաղորդում է Росбалт–ը։

Հիշեցնենք, որ փետրվարի 22-ին Հոմս քաղաքում զոհվել էին երկու օտարերկրյա լրագրողներ, որոնցից մեկը բրիտանական Sunday Times պարբերականի թղթակից Մարի Կոլվինն էր, մյուսը՝ 28–ամյա ֆրանսիացի լուսանկարիչ Ռեմի Օչլիկը։ Նրանք մյուս լրագորղների հետ միասին գտնվել են նույն շենքում, որը փլուզվել էր հրետանային ռմբակոծությունների պատճառով։