«Հայաստանի ազգային գրապալատի արխիվը վտանգի տակ է» (լուսանկար)

Քաղաքացիական ակտիվիստ Զառա Հովհաննիսյանը ֆեյսբուքյան իր էջում գրել է.

«Այս շատ ինքնատիպ շենքը, որը գտնվում է Գ. Քոչարի փողոցում՝ Կորյունի փողոցի հետ հատման կետում և կառուցվել է 1930-ական թվականների վերջին սարսափելի վեիճակում է: Այն, որ Երևանի այս շատ բանուկ հատվածում անընդհատ քրեր ու բեկորներ են պոկվում ու ընկնում դա դեռ իրավիճակի նկարագրության երևացող հատվածն է: Այս շենքի տանիքի տակ է գտնվում Հայաստանի ազգային գրապալատի արխիվը: Որպեսզի պատկերացնեք, թե դա ինչ է, ասեմ, որ այստեղ է պահվում 1920-ից հետայսու հանրապետությունում և սփյուռքում լույս տեսած տպագիր ամեն տեսակ նյութերի /գրքեր, թերթեր, ամսագրեր, նոտաներ, գեղարվեստական ալբոմներ, քարտեզներ, գիտաժողովների նյութեր, թատերական և մշակութային միջոցառումների ազդագրեր, ծրագրեր, հրավիրատոմսեր և այլն/ ավելի քան մեկ միլիոն հաշվվող անձեռնմխելի արխիվային հավաքածու: Բայց ինչպիսին շենքի արտաքին տեսքն է, ավելի վատ վիճակում է տանիքը, և ամեն անգամ, տեղումներից հետո անձրևաջուրը լցվում է արխիվային պահոցներ ու ոչնչացնում զգալի քանակով գրականություն: Գրեթե մեկ-մեկուկես տարի առաջ գրապալատ այցելեց քաղաքաշինության այժմյան նախարար Նարեկ Սարգսյանը՝ ԲՀԿ պատգամավոր Նաիրա Զահրաբյանի ուղեկցությամբ: Ծանոթացավ իրավիճակին, տեսավ ողջ դառը իրականությանն ու գնաց: Մինչ այժմ նա լռում է, իսկ ժամանակակից «մատենադարանի» տպագիր անձեռնամխելի ֆոնդն էլ շատ արագ փչանում է: Վայ ձեր պետական մտածողությանը: Ես էս արխիվում գիտե՞ք ինչեր եմ տեսել, էլ ստալինյան ժամանակների թերթեր ու պլակատներ, էլ գրեթե վերացած գրքեր: Մի խոսքով մարդու սիրտը մխկտում է, իսկապես»: