Հարավային Սուդանին սարսափելի սով է սպառնում. BBC
Մերձավոր Արևելք
Հարավային Սուդանի նախագահ Սալվա Քիիրը BBC-ին տված հարցազրույցում կոչ է արել ապստամբների առաջնորդ Ռիեկ Մաչարին՝ անհապաղ դադարեցնել հակամարտությունը, այլապես երկրում սարսափելի սով կսկսվի:
Նախագահի խոսքով՝ մարդասիրական կազմակերպությունները պետք է Հարավային Սուդանում առանց որևէ խոչընդոտի աշխատելու հնարավորություն ստանան:
«Խոսքն արդեն սովի լինել-չլինելու մասին չէ: Հարցն այն է, թե քանի մարդ կմահանա դրանից»,-հայտարարել է Սալվա Քիիրը:
Մայիսի սկզբին Քիիրը և Մաչարը զինադադար էին կնքել, սակայն այդ ժամանակվանից հակամարտության երկու կողմերը միմյանց մեղադրում էին այդ համաձայնագիրը խախտելու մեջ:
ՄԱԿ-ի գլխավոր քարտուղար Պան Գի Մունն Անվտանգության խորհրդին խնդրել է քննարկել հատուկ միջազգային դատարան ստեղծելու հարցը, որը կհետաքննի Հարավային Սուդանի հակամարտության ընթացքում կատարված հանցագործությունները:
Գլխավոր քարտուղարի խոսքով՝ հետաքննությունը, որը Հարավային Սուդանում անցկացվել է ՄԱԿ-ի առաքելության կողմից, լուրջ հիմքեր է տվել ենթադրելու, որ զանգվածային սպանություններ և այլ հանցագործություններ երկուստեք են կատարվել:
Հարավային Սուդանում հինգ ամսվա ընթացքում զոհվել են հազարավոր մարդիկ, երկրի միլիոնից ավելի բնակիչներ ստիպված են եղել լքել իրենց տները:
ՈՒՂԻՂ ԵԹԵՐ
Ամենադիտված 
Կորուստ՝ Ալլա Լևոնյանի ընտանիքում
