«Հրայր Թովմասյանից ծանր ժառանգություն ստանալու մասին հայտարարություն չեմ արել երբևէ». Հովհաննես Մանուկյան

Արդարադատության նորանշանակ նախարար Հովհաննես Մանուկյանը ֆեյսբուքյան իր էջում գրել է.

«Մի արեք էսպիսի բաներ...

Հենց նոր կարդացի նյութը: Հրայր Թովմասյանից ծանր ժառանգություն ստանալու մասին հայտարարություն չեմ արել երբևէ: Ասել եմ, որ համակարգն ունի բազում հիմնախնդիրներ, և դա այդպես է: Այդպես է եղել Հրայրի՝ համակարգն ընդունելու ժամանակ, այդպես է նաև հիմա, երբ ես ստանձնեցի նախարարի պաշտոնը: Ուղղակի տարբեր ժամանակներում տարբեր խնդիրներ և մարտահրավերներ կան:

Ընդհանրապես իմ տեսակին և ոճին բնորոշ չէ խոսել իմ նախորդների մասին, առավել ևս՝ գործունեությունս սկսել անցյալը սևացնելով.... Հուսով եմ սա թյուրիմացության արդյունք է:

- Լրագրողներ, հարգում եմ Ձեզ և կարևորում Ձեր աշխատանքը: Սակայն ակնկալում եմ նաև փոխադարձ հարգանք:

- Հրայր, վստահ եմ գիտես ես ինչ կասեի և ինչպես կասեի»:

Կից նյութն` այստեղ: