«Չորրորդ ինքնիշխանություն». Բադեյանը վիրավորված է

Պատգամավոր Մանվել Բադեյանը վերջին շրջանում բավական ակտիվացել է, իհարկե' ոչ օրենսդրական գործունեության ոլորտում, այլ ԱԺ հաճախելու եւ քվորում ապահովելու ասպարեզում։ Երեկ «Արտակարգ դրության իրավական ռեժիմի» մասին օրինագծի քվեարկության ժամանակ «Ժառանգություն» խմբակցության պատգամավորներ Անահիտ Բախշյանն ու Զարուհի Փոստանջյանը կանգնել էին ՀՀԿ խմբակցության համար նախատեսված աթոռների շարքերում, որպեսզի հետեւեն, ըստ այդմ' կանխեն ուրիշի փոխարեն կոճակ սեղմողների «գործունեությունը»: Սա դուր չեկավ Բադեյանին, եւ նա վարման կարգի վերաբերյալ ձայն խնդրելով, հայտարարեց. «Պատգամավորը որտեղ ուզի' ընդեղ կկանgնի։ Բայց էդ պատգամավորն էլ պտի մտածի մի քիչ հարգելու մասին։ Իրա վրա չվերցնի «բերդի նադզիռատելի ֆունկցիան», ինձ էլ դնի հանցագործի տեղ։ Ես ինձ վիրավորված եմ զգում, խնդրում եմ ինձ չվիրավորել։ Կարող են նայել, համեմատել «տաբլոյի» հետ, եւ եթե բողոքելու բան ունեն, թող բողոքեն։ Էս ի՞նչ, իրանք իրանց նշանակել են բերդի պե՞տ։ Բերդի պետերին չե՛մ սիրում»։

ՙ«ՉԻ»-ն փորձեց Մանվել Բադեյանից ճշտել, թե իր' բերդի պետերին չսիրելը ի՞նչ կապ ունի աղմկահարույց օրենքի նախագծի ընդունման հետ։ «Վիրավորում են։ Կասկածում են, որ ես գող եմ: Կանգնում են գլխներիս ու բերդի պետի ֆունկցիա են վերցնում իրենց վրա։ Բայց ո՞վ ա ասում, թե ես պետք ա խախտում անեմ։ Ես էլ կասկածում եմ, որ ինքը «պլան ա քաշած»։ Ջեբերը պլան կա, ստուգե՞մ…»։
վերջում ավելացնենք, որ խոսակցություններ կան, թե Բադեյանն արդեն «դաբրո» է ստացել Գեղարքունիքի մարզում մեծամասնական ընտրակարգով առաջադրվելու համար։