«Բաքուն անցնում է միջազգային բոլոր չափ ու սահմանները»

ԱԺ ՀՀԿ խմբակցության պատգամավոր Մարգարիտ Եսայանը ֆեյսբուքյան իր էջում գրել է.

«Քիչ առաջ լրատվակական միջոցներից տեղեկացա, որ ԵԽԽՎ փոխնախագահ Ռենե Ռուքեն հայտնվել է Ադրբեջանի սև ցուցակում, և Ադրբեջանը հայտնվել է հերթական սկանդալային իրավիճակում՝ Բաքվին արգելվել է հյուրընկալել ԵԽԽՎ միջոցառումները:

Նախապատմությունը հետևյալն է՝ Եվրախորհրդի նախարարների կոմիտեում նախագահելու առիթով Բաքուն ստացել է ԵԽԽՎ բյուրոյի նիստն անցկացնելու իրավունք: Նիստին պետք է մասնակցեր նաև ԵԽԽՎ փոխնախագահ, իմ լավ բարեկամ, Ֆրանսիայի պատվիրակության ղեկավար Ռենե Ռուքեն: Ադրբեջանը երկիր մուտք գործելու համար պատգամավորին տվել է մուտքի արտոնագիր, բայց վերջին պահին նրան արգելել են մասնակցել միջոցառմանը: Պատճառն այն է, որ ֆրանսիացի պատգամավորը այցելել է Արցախ: Բյուրոյի նիստը կայացել է, ու անմիջապես ընդունվել է որոշում, որով առաջիկա երկու տարիներին Ադրբեջանին արգելվել է հյուրընկալել վեհաժողովի միջոցառումները: Ու սա այն դեպքում, որ Ադրբեջանը նախագահելու է կառույցը մինչև այս տարվա նոյեմբերի վերջը:

Իրականում, սա անսպասելի և արտառոց չէ, ախր Ադրբեջանն ո՜ւր, եվրոպական և միջազգային ընդունված նորմերը՝ ուր...: Ադրբեջանը արդեն վաղուց ամբողջ միջազգային հանրությանը հոգնեցրել և զզվեցրել է իր բռի և անմարդկային, միջազգային որևէ ստանդարտի մեջ չտեղավորվող քայլերով ու քաղաքականությամբ, սաֆարովյան խայտառակությունը այս երկրի ճակատին դրոշմվել է ընդմիշտ և իր հերթական քայլով Ադրբեջանը իր իսկ սեփական դատավճիռն է կայացրել՝ ինքը տեղ չունի համաշխարահային քաղաքակրթության քարտեզի վրա: Քսանմեկերորդ դարում լինել այսպես վայրենի և անհավասարակշիռ, այսքան արնախում և անդաստիարակ, երևի անհնարին է պատկերացնել անգամ աշխարհի ամենահեռավոր և անմշակ անկյուններում: Բայց մեր բախտը էլի «բերել է», ամբողջ երկրագնդի վրա հենց այսպիսի՞ք պետք է լինեին մեր երկրի հարևանները, ինչ-որ անհայտ տեղից բուսած և ԵԱՀԿ Մինսկի խմբի համանախագահող երկրներին անասելի հոգնեցնող այս տեսակի հետ, այո, հարկավոր է, իր վերջո, խոսել շատ կոշտ և հարկ է, որ գերտերություններն այս պարագայում մի պահ մոռանան իրենց նեղ-անձնական շահերը և գործեն հանուն մարդկության: Քանի որ այս արնախում երկրի սաֆարովյան խայտառակությունը մոռանալ չի կարելի, մոռանալը կարող է խիստ վտանգավոր լինել առաջին հերթին միջազգային հանրության համար:

ՀՀ Ազգային ժողովի պատգամավոր, Հայաստան-ԵՄ խորհրդարանական խմբի անդամ, Ֆրանկոֆոնիայի հայկական պատվիրակության ղեկավար Մարգարիտ Եսայան»: