ՊՆ ղեկավար կազմը հարգանքի տուրք կմատուցի Վազգեն Սարգսյանի հիշատակին

Մարտի 5-ին' ՀՀ Ազգային հերոս, Սպարապետ Վազգեն Սարգսյանի ծննդյան օրը, «ՄԵԾԱՐԵՆՔ ՄԵՐ ՀԵՐՈՍՆԵՐԻՆ» խորագրի ներքո տեղի կունենան հետևյալ միջոցառումները

Ժամը 10.00-ին - ՀՀ ՊՆ և ԶՈՒ ԳՇ ղեկավար կազմի, Երևանի կայազորի զորմասերի անձնակազմի և հասարակայնության ներկայացուցիչների այցելություն «Եռաբլուր» զինվորական պանթեոն, ծաղկեպսակադրության և հարգանքի տուրքի մատուցման արարողություն Վազգեն Սարգսյանի շիրմին,

Ժամը 11.00-ին - ՀՀ ՊՆ և ԶՈՒ ԳՇ ղեկավար կազմի, Երևանի կայազորի զորամասերի անձնակազմի և հասարակայնության ներկայացուցիչների մասնակցությամբ ծաղկեպսակադրության և հարգանքի տուրքի մատուցման արարողություն Վազգեն Սարգսյանի փողոցում' Սպարապետի կիսանդրու մոտ,

Ժամը 13.30-ին – Հիշատակի և ոգեկոչման արարողություն ՀՀ ՊՆ վարչական համալիրի նիստերի դահլիճում:
Հիշատակի միջոցառումներ կկազմակերպվեն նաև ՀՀ ՊՆ Վազգեն Սարգսյանի անվան ռազմական ինստիտուտում, Սպարապետի անունը կրող զորամասում:

Ծաղկեպսակադրության և հարգանքի տուրքի մատուցման արարողություն տեղի կունենա նաև ԼՂՀ-ում' Շուշի քաղաքում, Վազգեն Սարգսյանի հուշարձանի մոտ:

ՀՀ ՊՆ վարչական համալիրում կայանալիք միջոցառումը կարող են լուսաբանել պաշտպանության նախարարությունում հավատարմագրված լրագրողները:

ՀՀ ՊՆ տեղեկատվության և հասարակայնության հետ կապերի վարչություն