Թուրքիայում մեկնարկել է թուրքալեզու պետությունների համագործակցության գագաթաժողովը
Թուրքիա
Թուրքական Բոդրում քաղաքում այսօր մեկնարկել է թուրքալեզու պետությունների համագործակցության 4-րդ գագաթաժողովը: Գագաթաժողովը կանցկացվի Թուրքիայի նախագահ Աբդուլլահ Գյուլի նախագահությամբ: Այս մասին հայտնում է թուրքական «Հուրիեթ» թերթը' հղում կատարելով Թուրքիայի նախագահի պաշտոնական կայքին:
Երկօրյա գագաթաժողովի աշխատանքին կմասնակցեն Ադրբեջանի նախագահ Իլհամ Ալիևը, Ղրղզստանի նախագահ Ալմազբեկ Աթամբաևը, Թուրքիայի նախագահ Աբդուլլահ Գյուլը և Ղազախստանի նախագահ Նուրսուլթան Նազարբաեւը:
Գագաթաժողովի գլխավոր թեման երկրների միջև համագործակցությունն է, այդ թվում' զբոսաշրջության ոլորտում: Նիստի արդյունքներով ծրագրվում է ստորագրել թյուրքալեզու պետությունների համագործակցության խորհրդի 4-րդ գագաթաժողովի հռչակագիր:
Միջոցառման շրջանակում ծրագրվում է անցկացնել նաեւ պետությունների ղեկավարների երկկողմանի հանդիպումներ:
Թյուրքալեզու պետությունների համագործակցության նախորդ գագաթաժողովն ացնկացվել էր Ադրբեջանի Գաբալա (Կուտկաշեն) քաղաքում անցյալ տարվա օգոստոսին:
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
