Տնտեսագետ Կառլեն Խաչատրյան.«Փոքր և միջին բիզնեսից հարկային բեռի թեթևացումը կխթանի հետագա զարգացմանը»

Ազգային ժողովում սկսվել են 2012 թվականի բյուջեի բարեփոխումների նախագծի քննարկումները և ՀՀ կառավարությունը մանրամասն արդեն կներկայացնի, թե ինչ է ընկած 2012 թվականի բյուջեի հիմքում։

Վարչապետի խոսքերով ներկայացված փաթեթի նպատակն է բարձր եկամուտներ ունեցողներից ավելի շատ հարկային եկամուտներ հավաքագրել։ Վերջինս ասել է . «Մեր փաթեթում ներառված են մեկ տասնյակից ավելի օրենսդրական առաջարկություններ և փոփոխություններ, որոնք պարզեցնում են հարկային վարչարարությունը և ստեղծում փոքր և միջին բիզնեսի համար ավելի բարենպաստ միջավայր:

Դա նշանակում է, որ մեր միտումն է փոքր և միջին բիզնեսի վրա հարկային բեռը թեթևացնել և այդ հարկային բեռը տեղափոխել այն ոլորտներ, որտեղ կան մեծ եկամուտներ»,-եզրափակել է վարչապետը։

Ներկայացվող բարեփոխումների փաթեթի վերաբերյալ ԼՈՒՐԵՐ.com-ի թղթակիցը զրուցեց գիտության թեկնածու, տնտեսագետ Կառլեն Խաչատրյանի հետ:

 -Ըստ ձեզ որքանո՞վ է իրատեսական  նման բարեփոխումները։

-Կարծում եմ, որ լիովին իրատեսական է , քանի որ գաղտնիք չէ, որ մեր երկրում մեծ ծավալով տնտեսություն կա և տարբեր գնահատականներով Հայաստանում ստվերը 40-50 տոկոսն է կազմում համախառն ներքին արդյունքի ու բնակակաբար դրա հաշվին հարկայիհն հիմքերը կարող ենք էապես ավելացնել։ Մեկ այլ կողմից  տեսանելի է, որ որոշ ոլորտներում մոնոպոլիաների կողմից  գերշահույթ է նկատվում և հաշվի առնելով վարչապետի խոսքերը, որ հարկային բեռը հատկապես այդ ոլորտներում է մեծանալու  կարծում եմ, որ դա կնպաստի հարկային եկամուտները պետբյուջեյում ավելանալուն։

-Արդյո՞ք փաթեթը հնարավորություն կտա փոքր և միջին բիզնեսի համար բարենպաստ պայամաններ ստեղծել։

- Ես կարծում եմ, որ շատ ողջունելի է փոքր և միջին բիզնեսից հարկային բեռը թեթևացնելը, քանի որ դա  էապես կխթանի փոքր և միջին բիզնեսի զարգացմանը։

-Արդյո՞ք ներկայացված փաթեթը դժգոհություն չի առաջացնի բարձր եկամուտներ ունեցողների մոտ։

- Կարծում եմ, որ միանշանակ դժգոհություններ կլինեն, քանի որ երբ «կպնում ես» մեկի եկամուտներին անկախ նրանից թե դրանք ցածր են թե բարձր միևնույն է դժգոհության ալիք բարձրանում է։ Այլ բան է, եթե հարցը դիտարկենք սոցիալական տեսանկյունից, երբ բարձր եկամուտներ ունեցողները ավելի շատ են հարկ վճարում քան ցածր եկամուտներ ունեցողները։