Թուրքիան պատրաստ է զինել սիրիացի ապստամբներին. Դավութօղլու

Թուրքիայի իշխանությունները մտադիր են աջակցել սիրիական ընդդիմադիրներին, այդ թվում՝ զենքով։ Այդ մասին հայտարարել է երկրի արտաքին գերատեսչության ղեկավար Ահմեդ Դավութօղլուն։ 

Թուրքական ԱԳ նախարարի խոսքերով՝ սիրիական վարչակազմին ուղղված միջազգային հանրության ուղերձը կարող է տեղ հասցվել տարբեր մեթոդներով, այդ թվում՝ Սիրիայի ազգային խորհրդի զինման ճանապարհով, հաղորդում է «Ռոսբալտ»-ը։

Հիշեցնենք, որ ավելի վաղ Կատարի շեյխ Համադ բին Ջասի ալ Տանին հայտարարել է, որ միջազգային հանրություները պետք է իր վրա վերցնի սիրիական ընդդիմության զինման ապահովումը։ Բացի Կատարից նման կարծիք է հայտնել նաև Սաուդյան Արաբիան։ 

Հատկանշական է, որ Դավութօղլուն նախօրեին ասել է, թե նախագահ Բաշար Ասադի կողմից ընդդիմադիրներին ճնշելու համար բանակի ներգրավումն իր մեջ կրում է ռազմական հանցագործության հատկանիշներ…