«Հարցուպատասխան»-ի շնորհանդեսը՝ վաղը

Տիգրան Հայրապետյան ստեղծագործ մտքի պաշտպանության հիմնադրամը լույս է ընծայել «Հարցուպատասխան» քաղաքակրթական հանդեսը:

«Հարցուպատասխանի ժանրն աշխարհճանաչողության գրավոր ամենահին ձեւն է, բայց նորի ծնունդը հաճախ վաղուց մոռացված հնի արգանդում է:

Սիրով նվիրում ենք ձեզ այս նոր հանդեսը, որ ցանկանում է ոչ թե պահպանել հին արժեքներն ու անցյալի ժառանգությունը, այլ դրանց ընդերքում որոնել ու գտնել մոռացված ապագան:

Հարցուպատասխանը հավաքական մտածողության, խոսքի, աշխատանքի ու պատասխանատվության համաձուլվածք է. այն հեղինակներ չունի, կամ ավելի ճիշտ՝ բոլորս ենք համահեղինակ՝ անկախ ժամանակից ու տարածությունից»,- ասված է Facebook սոցիալական ցանցում առկա հրավերում։ 

Հանդեսի շնորհանդեսը տեղի կունենա վաղը՝ ժամը 16։00-ին, «Բյուրոկրատ» գրախանութում։