Նիկոլ Քիդմանը կխաղա Քոլին Ֆերթի կնոջ դերը

Նիկոլ Քիդմանը նկարահանվում է «Երկաթուղաճանապարհաշինարար» (The Railway Man) ֆիլմում, որի գլխավոր դերակատարը Քոլին Ֆերթն է։ Այս մասին հայտնում է lenta.ru-ն։

Ֆիլմը կէկրանավորվի բրիտանական բանակի սպայի՝ Էրիկ Լոմաքսի կենսագրական համանուն գրքի հիման վրա։ Երկրորդ համաշխարհային պատերազմի տարիներին նրան գերի են վերցրել ճապոնացիները, որին տեղափոխել են համակենտրոնացման մի ճամբարից մյուսը, որտեղ նրան խոշտանգել են։

Մեկ տարի անց Լոմաքսը որոշում է հանդիպել իրեն տանջողներից մեկի հետ՝ համաձայնելով հաշտվել նրա հետ։ Էրիկի կինն օգնում է ամուսնուն հաղթահարել պատերազմի ժամանակ ձեռքբերած հոգեբանական խնդիրները։

Էրիկի դերը կատարում է Ֆերթը, կնոջ՝Փաթթիի դերը՝ Քիդմանը։ Սկզբնական շրջանում այս դերի համար քննարկվել է Ռեյչել Բայսի թեկնածությունը, սակայն վերջինս հրաժարվել է նկարահանվել ֆիլմում, քանի որ աշխատում է այլ նախագծերի վրա։ Ֆիլմի նկարահանումները տեղի կունենան Շոտլանդիայում և Ավստրալիայում։