Հրայր Թովմասյանը շնորհակալ է բոլոր նրանց, ովքեր գրքեր են նվիրել դատապարտյալներին

ՀՀարդարադատության նախարարության պաշտոնական կայքում զետեղվել է հետևյալ հաղորդագրությունը՝ կապված «Գրքեր՝ դատապարտյալներին» նախաձեռնության հետ. «ՀՀ արդարադատության նախարար Հրայր Թովմասյանի առաջարկով 2011-ի հունվարի 11-ին, երբ մեր կայքում տեղադրեցինք ԳՐՔԵՐ՝ ԴԱՏԱՊԱՐՏՅԱԼՆԵՐԻՆ նախաձեռնության մասին հայտարարությունը, անմիջապես արձագանքներ ստացանք:
Շատերին էր դուր եկել բանտերում գտնվողներին գիրք նվիրելու գաղափարը: Մարդիկ ՀՀ արդարադատության նախարարությանն էին հանձնում տարիների ընթացքում ձեռք բերած գրականությունը:

Շնորհիվ մարդկային բարի կամքի՝ այսօր մենք ունենք դատապարտյալների համար 3000-ը գերազանցող հսկայական գրադարան:
ՀՀ արդարադատության նախարար Հրայր Թովմասյանը շնորհակալություն է հայտնում նախաձեռնությանը արձագանքած բոլոր անհատներին և կազմակերպություններին՝ Էմմա Գասպարյանին, Արևհատ Մկրտչյանին, Մարինե Մանուկյանին, Շողակաթ Ադամյանին, Սերգեյ Ամիրխանյանին, «Ամերիկյան իրավաբանների ընկերակցությանը», «Ինֆորմացիայի ազատության կենտրոնին», «Փրինթինֆոյին», «Հայաստանի Հելսինկյան կոմիտեին», «Ցմահ դատապարտյալների հարցերով զբաղվող քաղաքացիական նախաձեռնությանը», ՀՀ-ում Իրանի Իսլամական Հանրապետության դեսպանատանը, «Քաղաքացիական հասարակության ինստիտուտին», «Մեգապոլիս ամսագրին», «Ինտերնետ Գիրք մարաթոն 2011-ին», ՀՀ ԱՆ քրեակատարողական հիմնարկներում և մարմիններում հասարակական վերահսկողություն իրականացնող դիտորդական խմբին, Աշոտ Նավասարդյանի անվան դպրոցի աշակերտներին:

Նախարարը շնորհակալություն է հայտնում նաև բոլոր այն լրատվամիջոցներին, որոնք պարբերաբար լուսաբանում էին նախաձեռնության ընթացքը:

Միայն հիշեցնենք, որ ԳՐՔԵՐ՝ ԴԱՏԱՊԱՐՏՅԱԼՆԵՐԻՆ ակցիան շարունակվում է, հետաքրքրվողները կարող են դիմել ՀՀ արդարադատության նախարարության տեղեկատվության և հասարակայնության հետ կապերի բաժին»: