Ուկրաինայի ազգային գվարդիայի ստորաբաժանումները գրավել են ռուսական զրահամեքենա. Ավակով

Ինչպես տեղեկացնում է ria.ru-ն, Ուկրաինայի ՆԳ նախարար Արսեն Ավակովը հաստատում է, որ Մարինովկա շրջանում Ուկրաինայի ազգային գվարդիայի ստորաբաժանումները գրավել են ռուսական զրահամեքենա՝ «ԲՏՌ 80»-ը։  

Այս մասին Ուկրաինայի ՆԳ նախարարը գրել է իր Facebook-յան էջում։

«Երբ ռուսական զրահամեքենան մի խումբ ահաբեկիչներով փորձում էր առաջ շարժվել դեպի Ուկրաինայի այլ շրջաններ, երկրի ազգային գվարդիայի ստորաբաժանումները գրավեցին «ԲՏՌ 80»-ը: Ահաբեկիչները մասամբ ոչնչացվեցին, մասամբ՝ բերման ենթարկվեցին»,- գրում է Ավակովը։