«Ուստա Համոն փողը տվել ա...». սերիալի դերասանը վերջապես գումարը փոխանցեց Էրիկի հաշվեհամարին

Վերջերս համացանցում տարածվեց տեղեկություն այն մասին, որ սերիալի դերասան Արտավազդ Հովհաննիսյանը յուրացրել է 8-ամյա փոքրիկի բուժման համար հավաքված գումարը:

Ինչպես հիշում եք, ամիսներ առաջ դերասան Կարեն Մկրտչյանին անհայտ անձը ծեծի էր ենթարկել: Վնասվածքն այնքան լուրջ էր, որ դերասանին անհրաժեշտ էր բուժման նպատակով ուղարկել Գերմանիա, անհրաժեշտ գումարը կազմել էր 80.000 եվրո:

Հայտարարվեց դրամահավաք, հավաքվեց Կարենի բուժման համար անհրաժեշտ գումարը:

Վանաձորում ևս կազմակերպվել էր բարեգործական համերգ, սակայն Կարենի բուժման համար անհրաժեշտ գումարն արդեն հավաքվել էր: Կարենը կազմակերպիչներին խնդրել էր հավաքված գումարը փոխանցեն գլխուղեղի չարորակ ուռուցք ունեցող 8-ամյա Էրիկին:

Կազմակերպիչները երեխայի հորը խնդրում են ներկայանալ համերգին: Համերգի վերջում դերասան Արտավազդ Հովհաննիսյանը զգուշացնում է Էրիկի հորը, որ իրեն բեմի վրա գումարով ծրար կտան, բայց նա պետք է դա վերադարձնի, իսկ անհրաժեշտ գումարը համերգից հետո բանկային հաշվին կփոխանցեն:

Երեխայի հայրը գումարը վերադարձնում է, անցնում է երկար ժամանակ, սակայն խոստացված փոխանցումն այդպես էլ չի կատարվում:

Այսօր, Անուշանահիտը ֆեյսբուքյան իր էջում տեղադրում է լուսանկար և գրում, որ սերիալի դերասանը վերջապես գումարը փոխանցել է Էրիկի հաշվեհամարին:

«Արտավազդ Հովհանիսյանը ( Արիկը ) փոխանցել է 212 500 դրամ Վանաձորցի Էրիկի հաշվեհամարին: Երեկ: 

Ամենակարևորը էս ամենի մեջ արդեն էն չէր' գումարը վերջապես փոխանցվել է թե ոչ....

Կարևորը` զազրելի երևույթն էր ու մեկ էլ էն , որ շատերը տեսան ու գուցե ականջներին օղ արեցին,թե ինչքան մարդ կարա ոտքի կանգնի ու իր քաղաքացիական դիրքորոշումը հստակ արտահայտի ու մինչև վերջ գնա էսպիսի դեպքերում: Մի հզոր բանակ հայտնվեց իմ կողքին !!!!
Ես առաջին անգամ կաշվիս վրա զգացի ,թե ոնց կարան մարդուն անմեղ տեղը վարկաբեկեն անգամ վախեցնեն ' էսինչին կամ էնինչին հստակ առաջադրանքներ տալով ու ուղղորդելով :

Ու ոնց կարա մարդը ,որ ընդամենը անցել ա ճշտի կողմը , մի վայրկյանում ցեխոտվի ,կորցնի քունը , իր ընտանիքը կորցնի խաղաղությունը... Ու էդպես էլ կլիներ,եթե կողքս չկանգնեին ընկերներս:

Ափսոս էդպես էլ չիմացանք,թե ինչ «թյուրիմացություն» էր եղել: Ու ոչ մեկ չասեց, թե ում մեղքով է եղել:

Հ.Գ. Ցավը նրանումն է որ էս աղմուկը չբարձրացնեինք,էդպես էլ ոչ մեկ մատը մատին չէր տալու ու հանգիստ քնելու էին բոլորը ,մոռացվեր գնար....

Շնորհակալություն էն բոլոր տղերքին ու աղջիկներին,որ առանց վարանելու հստակ ասեցին իրենց կարծիքը ու գնացին մինչև վերջ:

Վերնագիրը վերջում` «Ուստա..Համոն փողը տվել ա...»,- գրառումը «Անուշանահիտ»-ի ֆեյսբուքյան էջից»: