«Արմավիա»-ի անձնակազմը գործադուլ է հայտարարել

Ազգային ավիափոխադրող «Արմավիա» ավիաընկերության աշխատակիցներն անորոշ ժամանակով գործադուլ են հայտարարել, հաղորդում է Газета.Ru-ն։

Արմավիայի մամլո ծառայությունից հայտնել են, որ գործադուլը չի դադարեցվելու այնքան ժամանակ, քանի դեռ Երևանի Զվարթնոց միջազգային օդանավակայանը չվերանայի իր գնային քաղաքականությունը։ Ներկայումս ընկերությունը պահանջում է բանակցություններ վարել արգենտինական Corporación América ընկերությանը պատկանող Զվարթնոց օդանավակայանի ղեկավարության հետ։

Ընկերությունը հրաժարվել է այսօր առավոտյան 6:30–ից չվերթներ իրականացնել։ 510 չվերթի ուղևորները որոնք, Մոսկվայի ժամանակով 9:45 պետք է մեկնեին «Դոմոդեդովո» օդանավակայան, հայտնել են, որ ավիաընկերությունը հրաժարվում է խոսել թե՛ հնարավոր փոխհատուցման, և թե՛ չվերթների վերսկսման մասին։

Բացի այդ, «Արմավիա»-ն արդեն 7 ամիս է չի վճարել իր աշխատողների աշխատավարձը, ինչպես նաև պարտքեր ունի Մոսկվայի «Վնուկովո» օդանավակայանին։ Սակայն ընկերությունը պաշտոնապես չի մեկնաբանել այս տեղեկությունները։

Երևանի օդանավակայանում արդեն կուտակումներ են սկսվել։ Հարյուրավոր ուղևորներ ընկերության ղեկավարությունից բացատրություն են պահանջում։