Թուրքիայի նախկին նախագահը հեղաշրջման գործով ցուցմունք կտա
Թուրքիա
Թուրքիայի նախկին նախագահ Սուլեյման Դեմիրելը ցուցմունք կտա 1997 թվականին երկրում տեղի ունեցած ռազմական հեղաշրջման գործով: Այս մասին որոշում է ընդունել Անկարայի' ծանր հանցագործությունները քննող 5-րդ դատարանը:
Դեմիրելից բացի, «Փետրվարի 28» անվանումը ստացած դատական գործով ցուցմունքներ կտա ևս 103 մարդ, ովքեր այդ տարիներին պետական տարբեր պաշտոններ են զբաղեցրել:
2013 թվականի սեպտեմբերին Էրզրումի քրեական դատարանը Թուրքիայի նախկին նախագահ Սուլեյման Դեմիրելի դեմ մեղադրանք էր ներկայացրել 1997 թվականի փետրվարի 28-ի ռազմական հեղաշրջմանը մասնակցելու հիմնավորմամբ:
1997 թվականի ռազմական հեղաշրջումը Թուրքիայի Հանրապետության պատմության մեջ չորրորդն է 1960, 1971, 1980 թ. հեղաշրջումներից հետո: Այն հայտնի է «հետմոդեռնիստական հեղաշրջում», ինչպես նաև «թավշյա հեղաշրջում» անուններով, քանի որ ի տարբերություն նախորդ անգամների` զինվորականությունը բռնի ուժ չկիրառեց:
ՈՒՂԻՂ ԵԹԵՐ
Ամենադիտված 
Սոչի մեկնող ինքնաթիռը ճանապարհին անցկացրել է մեկ օր, սակայն տեղ չի հասել
