«Չորրորդ ինքնիշխանություն».Վլադիմիր Գասպարյանի պարտականությունները կկատարի Արա Նազարյանը

Թերթը գրում է. ««Կադրային փոփոխությունները կհասնե՞ն բանակին, թե՞ ոչ», երեկ այսպիսի հարց ուղղեցինք ՀՀ պաշտպանության նախարար Սեյրան Օհանյանին, ով փակ նիստի շրջանակներում ԱԺ-ում մասնակցում էր պաշտպանության ոլորտի բյուջետային քննարկումներին:

Ի պատասխան՝ նա ասաց. «Ինչպես տեսանք, կադրային փոփոխությունները հասան բանակին, բանակից Վլադիմիր Գասպարյանն առաջընթաց ունեցավ և նշանակվեց ոստիկանապետի պաշտոնին»: «Կարո՞ղ է էլի առաջընթաց ունեցող մարդիկ լինեն»,– շարունակեցինք մենք։ «Առայժմ ես չգիտեմ»,– պատասխանեց նախարարն ու ավելացրեց, թե բանակի ներսում գիտի ինչպիսի զինվորական պաշտոնների ով կնշնակվի, և սպասվելիք փոփոխությունները կազդեն զորամասային օղակի վրա»: