«Դեսպանատները՝ որպես արտոնյալ բանտախցեր»
Բլոգոսֆերա
Գևորգ Պետրոսյանը ֆեյսբուքյան իր էջում գրել է.
«Ի՞նչ եք կարծում, որտե՞ղ պետք է հայտնվի մարդը, ով հիմնահատակ փլուզում է երկրի տնտեսությունը, խարխլում հանրային ծառայության ամբողջ համակարգը, օրը մեջ մի աղմկոտ սկանդալի գլխավոր հերոս դառնում, անձնական ամբիցիաներից ելնելով` գրչի մի հարվածով մարդկանց զրկում հացից, իսկ ոմանց հագով էլ պաշտոններ է կարում-կարկտում ու նվիրաբերում: Իհարկե, բանտախցում: Բայց դա ոչ մեր երկրում:
Հասկացանք, որ մարդահալած, ազգատյաց ու պետականակործան գործունությունը դեռ ավարտին չհասցրած մարդուն թոշակավորելը դեռ «վաղ» էր, քանզի ուրիշ չսկսված կամ անավարտ քանդման աշխատանքներ էլ կային: Բայց մի՞թեշարունակությունը պետք է ապահովվեր դեսպանի պաշտոնում: Ես լեգենդար մարզիկին նկատի չունեմ, ում կապը դիվանագիտության հետ մոտավորապես այնքան է, որքան իմը' ասենք' Կամերունի կանանց վոլեյբոլի ազգային հավաքականի գլխավոր մասաժիստի հաստիքի հետ:
Չես հասկանում, թե հանուն ինչի են մեր դեսպանատները վերածվում արտոնյալ բանտախցերի: Մեկ էլ մտածում եմ` որտեղի՞ց հասկանամ. հո ես Ադիբեկյանը չեմ, որ գլուխս պահելու համար ամեն ինչից գլուխ հանեմ...»:
ՈՒՂԻՂ ԵԹԵՐ
Ամենադիտված 
Տասնյակ հասցեներում ջուր չի լինի՝ հուլիսի 15-ին և 16-ին
