Թուրքիայի «նշանավոր» հուշարձանները. ձմերուկ, սեխ, ձու և ցիլինդրով ամոթը փակող Աթաթուրքը (լուսանկարներ)

Ցանկացած շատ թե քիչ զարգացած երկրների մեծ և փոքր քաղաքներում սովորաբար կամ տվյալ պետության, կամ աշխարհի մասշտաբով ճանաչված մարդկանց, կամ էլ պատմական դեպքերին, նույնիսկ ասքերի և հեքիաթների հերոսներին նվիրված արձաններ են տեղադրվում: Իսկ Թուրքիայի թե մեծ, թե փոքր քաղաքներում լայն տարածում է գտել տարածաշրջանում հայտնի ագրարային արտադրանքներին նվիրված հուշարձանների տեղադրումը: Թուրքական քաղաքների կենտրոնական հրապարակներում կամ մուտքերում տեղադրված այդ արձանների հերոսների մեջ կարելի է հանդիպել ձմերուկի, սեխի, պիստակի, նույնիսկ որպես ճաշատեսակ հայտնի' կոլոլակի: Դրանց մեջ այնպիսի անիմաստ քանդակված արձաններ կան, որ անգամ հարյուր խելամիտ մարդ չի կարող հասկանալ դրա իմաստը: Այդ շարքում Թուրքիայի Հանրապետության հիմնադիր Աթաթուրքի՝ ցիլինդրով ամոթը փակած և երեք հողագործ կանանց արձանները դիտողների մոտ միայն ծիծաղ է առաջացնում:

«Արմենպրես»-ը ներկայացնում է զբոսաշրջիկների աչքից չվրիպող թուրքական «հանճարեղ» արվեստը ցուցադրող «նշանավոր» հուշարձանների լուսանկարները: